سەرنووچە:

وەزارەتا ڕۆشەنبیری داویی دەم بۆ نووکرنا دەستیریێن کەنالێن ناڤخۆی دیارکر

وەزارەتا ڕۆشەنبیری داویی دەم بۆ نووکرنا دەستیریێن کەنالێن ناڤخۆی دیارکر
فۆتۆ: ئەرشیڤ
2019-01-20

143 جار خوێندراوەتەوە

دیجیتال میدیایا ئێن ئاڕ تی، ھەولێر، ھێرش قادر

وەزارەتا ڕۆشەنبیریا حکومەتا ھەرێمێ ڕاگەھاند، (١ێ سباتا ٢٠١٩ێ) داویی دەمە بۆ نووکرنا دەستیریا کەنالێن ناڤخۆیێن ھەرێما کوردستانێ.

 فەرھەنگ گۆمەشینی پەیڤدارێ وەزارەتا ڕۆشنبیری بۆ دیجیتال میدیایا ئێن ئاڕ تی ڕاگەھاند، پێشتر بریار ھاتبوو دان کو ئەڤرۆ (٢٠ێ سباتا ٢٠١٩ێ) دێ داویی دەم بیت بۆ نووکرنا دەستیریێن کەنالێن ناڤخۆیێن ھەرێمێ، لێ ژبەر ڕەوشا نھا یا ھەرێمی و بەرچاڤگرتنا ڕەوشا داراییا کەنالێن ناڤخۆی، ئەو دەمە بۆ (١ێ سباتا ٢٠١٩ێ) ھاتیە درێژکرن.

ڕاگەھاند ژی، ئەڤ ١٠ ڕۆژە دەستیرینە بۆ کەنالان ھەیا کو دەستیریێن خۆ نوو بکەن، بەروڤاژی دێ کەنالێن وان ھێنە داخستن.

ئەو یەک ژی دایەزانین، ٣٢ کەنالێن ناڤخۆی دێ دەستیرێن وان بداویی ھێن و ئەگەر د ڤێ دەمیدا نەھێنە نووکرن دێ وەشانێن وان ھێنە ڕاگرتن.

فەرھەنگ حسێن گوت ژی، "سەدەمەکا دی یا درێژکرنا دەما نووکرنا دەستیریێن کەنالێن ناڤخۆی ژبۆ وێ یەکێ بوویە، ھەیاکو کارێ میدیا و ڕاگەھاندنێ د ھەرێما کوردستانێ دا بەر ب پێشڤە بچیت و ئەڤە ژی ئارمانجا وەزارەتێ یە".

دەربارەی ھەژمارا کەنالێن ناڤخۆیێن ھەرێما کوردستانێ پەیڤدارێ وەزارەتا ڕۆشەنبیری ڕاگەھاند، ل ھەرێما کوردستانێ زێدەتر ژ ٣٠٠ کەنالێن کوردی و بیانی ھەنە کو د ھەرێمێ دا ئۆفیس ھەنە و ١٢٢ کەنالێن ناڤخۆی نە.

س.م