سەرنووچە:

ھۆشیار عەبدوڵا: دھێتە پێشبینیکرن د ڤێ حەفتیێ دا پرۆژە یاسایا بودجەی بھێتە پەسەندکرن

ھۆشیار عەبدوڵا: دھێتە پێشبینیکرن د ڤێ حەفتیێ دا پرۆژە یاسایا بودجەی بھێتە پەسەندکرن
فۆتۆ: 
2019-01-20

195 جار خوێندراوەتەوە

جڤینێن لیژنەیا داراییا پەرلەمانێ عێراقێ بۆ پەسەندکرنا پرۆژە یاسایا بودجەیا سالا ٢٠١٩ێ بەردەوامن و ئەندامەکێ لیژنەیێ ژی پێشبینی دکەت، د ڤێ حەفتیێ دا ئەو پرسە بھێتە یەکلایکرن.

ھۆشیار عەبدوڵا ئەندامێ لیژنەیا دارایی ل پەرلەمانێ عێراقێ د پەرەیێ خۆ یێ تایبەت لسەر تۆرا جڤاکیا فەیسبوکی نڤیسیە، "ئەڤرۆ و سوبەھی دوو ڕۆژێن گرنگن بۆ یەکلایکرنا وان ماددەیێن کو ئاریشە لسەرن".

زەلالکر ژی، ڕێژەیا دیارکری بۆ وان پارێزگەھێن نەفتێ بەرھەم دئینن و ئەوێن د شەرێ داعشێ دا وێرانبووین، ھەروەسا نەفتا ھەرێمێ و ئەو ڕیژەیا کو بریارە ھەرێم بدەتە کۆمپانیا سۆمۆیێ، ژ گرنگترین ئاریشەیێن لیژنەیا داراییا پەرلەمانێ عێراقێ نە.

ھۆشیار عەبدوڵا ڕاگەھاند ژی، دھێتە چاڤەرێکرن ڕۆژا سێشەمبیێ (٢٢ چلەیا ٢٠١٩ێ) یان ژی چارشەمبیێ بودجەیێ ٢٠١٩ێ بەرھەڤ ببیت بۆ دەنگدانێ.

د دەمێن بووری دا پەرلەمانێ عێراقێ خواندنا یەکێ بۆ پرۆژە یاسایا بودجەیێ سالا ٢٠١٩ کر، لێ ژبەر نەڕازیبوونا پشکەکا ئالیان، ژوان ژی کورد و سوننە، ھەیا نھا ژی پرۆژە نەھاتیە پەسەندکرن.

س.م