سەرنووچە:

نەتەوەیێن ھەڤگرتی: ژبەر سەرمایێ ١٥ زارۆکان ل سوریایێ جانێ خۆ ژ دەستدانە

ڕەوشا ئاواران
نەتەوەیێن ھەڤگرتی: ژبەر سەرمایێ ١٥ زارۆکان ل سوریایێ جانێ خۆ ژ دەستدانە
فۆتۆ: ئەرشیڤ
2019-01-15

394 جار خوێندراوەتەوە

نەتەوەیێن ھەڤگرتی دیارکر، ژبەر سەرمایا وەرزێ زڤستانێ ١٥ زارۆکان ل سوریایێ جانێ خۆ ژ دەستدانە.

 ڕیکخراوا یونسێف یا سەر ب نەتەوەیێن ھەڤگرتی ئەڤرۆ سێ شەمبیێ ڕاگەھاند، ژبەر داکەتنا پلەیێن گەرمێ و کێمیا چاڤدێریێ، ھەری کێم ١٥ زارۆکان د کەمپا ئاوارێن سوری دا جانێ خۆ ژ دەستدانە.

خەیرەت کابیلیر ڕێڤەبەرێ ھەرێمایەتیێ ل ڕۆژھەلاتا ناڤەراست و باکورێ ئەفریقا یێ ڕێکخراوا یونسێف ڕاگەھاند، ٨ ژوان زارۆکان ل کەمپا ڕوکبانی یا ئاوارەیێن سوریێن باشورێ سوریایێ لسەر سنورێ ئوردنێ جانێ خۆ ژ دەستدانە.

ھەروەسا دیارکر، ھەیا نھا ژیانا زارۆکان د مەترسیێ دایە و دێ ڕاستی ئاریشەیێن ساخلەمیێ ھێن، دڤێت بھێنە چارەسەرکرن، ژبەرکو نابیت د چەرخێ ٢١ێ دا ھێنجەتان بۆ وێ ڕەوشێ بگرین.

وی بەرپرسێ نەتەوەیێن ھەڤگرتی ڕاگەھاندیە ژی، حەفت زارۆکێن دی ل ڕۆژھەلاتا سوریایێ ژبەر سەرمایێ جانێ خۆ ژ دەستدانە، دەما کو دگەل مالباتێن خۆ پشتی ھێرشا داعشێ دەڤەرێن خۆ ھێلاین.

د داویا گوتنێن خۆ دا کابیلیر ھۆشداری دا، بێ چاڤدێریا ساخلەمیێ و جھێ مانەڤێ، دھێتە چاڤەرێکرن زارۆکێن زێدەتر ل سوریایێ ڕۆژ ل دیف ڕۆژێ د وان کەمپێن ئاواران دا جانێ خۆ ژ دەست بدەن.

پێشتر ژی چەندین جاران نەتەوەیێن ھەڤگرتی و ڕکخراوێن مرۆڤیێن دی، د وەرزێ سەرمایا ئەڤسالە دا ھۆشداری دان لسەر خرابیا ڕەوشا ئاوارەیێن سوری، ب تایبەت ئەوێن کو د ناڤخۆیا وی ولاتی دا ئاوارە و بێی مال و حال ماین.

س.م