سەرنووچە:

ئیسرائیلێ ب موشەکان هێرشی بالافرخانەیا دیمەشقێ کر

ئیسرائیلێ ب موشەکان هێرشی بالافرخانەیا دیمەشقێ کر
فۆتۆ: 
2019-01-12

435 جار خوێندراوەتەوە

ئاژانسا نوچەیێن سانا یا سورى راگەهاند، جارەکا دن ئیسرائیلێ ب موشەکان ئێرشى دیمەشقێ کریە و سیستەمێ بەرەڤانیا ئاسمانى یا سوریا ، هەژمارەک موشەک ئێخستنە خارێ .

لگۆرى ئاژانسێ ، درەنگا شەڤا بوورى ، بالافرێن شەر یێن ئیسرائیلێ چەند موشەک ژ بالافرخانەیا دیمەشقێ رە ئاڤێتنە و یەک ژ کۆگەهێن بالافرخانێ بوویە ئارمانج.

ژ ئالیەکێ دن ڤە ، وەزارەتا ڤەگوهاستنا سوریایێ راگەهاند، وان ئێرشان کارتێکرن لسەر لڤینا بالافرخانێ نەبوویە و گەشتێن وان ژى بەردەوامن .

روانگەها سوری بۆ مافێن مرۆڤان ژى دازانین، ئیسرائیلێ یەکەمین ئێرشا ئاسمانى د سالا نوو دا بۆ سەر کوگەهەکا موشەکى یا تایبەت ب چەکدارێن حزب اللە یا لوبنانى ل ناڤچەیا ریف ل باشورێ روژئاڤا دیمەشقێ ئەنجام دایە .  

بەرى نها ژى بەرپرسەکێ بلندێ ئیسرئیلێ راگەهاندبوو ، د ٢ سالێن بوورى دا ، وەلاتێ وى زێدەتر ژ ٢٠٠ ئێرشێن ئاسمانى بو سەر بارەگەهێن هێزێن ئیرانێ ل سوریایێ ئەنجام دانە .

هـ.ج