سەرنووچە:

ئەمریکا بۆ تورکیایێ: دژی ھەر ھێرشەکێینە بۆ سەر کوردان

ئەمریکا بۆ تورکیایێ: دژی ھەر ھێرشەکێینە بۆ سەر کوردان
فۆتۆ: ئەرشیڤ
2019-01-08

434 جار خوێندراوەتەوە

جۆن بۆلتن شێورمەندێ نەتەوەیا ئەمریکا ڕاگەھاند، ئەمریکا دژی ھەر ھێرشەکا ئارتێشا تورکیایێ یە بۆ سەر ھێزێن کوردیێن ل سوریایێ و ڕەتدکەین.

 بەرپرسەکێ ئەمریکی دازانین، جۆن بۆلتن ب بەرپرسێن تورک ڕاگەھاندیە کو ئەمریکا ل دژی ھەر ھێرشەکا تورکیایێ یە بۆ سەر کوردان.

وی بەرپرسی دیارکریە ژی، ئەمریکا ل بنگەھێ سەربازی یێ تەنەف نەڤەکشایە و ھەیا نھا ژی د وی بنگەھی دایە.

ھەڤدەم لگۆری نووچەیەکا سکای نیۆز بەرپرسەکێ ئەمریکا زەلالکریە، بەرپرسێن تورک ب ئەمریکیان ڕاگەھاندنە، ھەیا کو ئەمریکا د سوریایێ دا مابیت ھێرشی سەر ھێزێن کوردی ناکەن.

دەستپێکا ڤێ حەفتیێ ژی بۆلتن د دەما گەشتا خۆدا بۆ ولاتێن تورکیا و ئیسرائیلێ، بۆ ڕۆژنامەڤانان ڕاگەھاند، "ترەمپ دێ داخوازێ ژ سەرۆک کۆمارێ تورکیایێ کەت پێگیربیت ب پاراستنا کوردێن سوریایێ، ئەڤە ژی یەکە ژ مەرجێن ڤەکێشانا ھێزێن ئەمریکا ل سوریایێ".

س.م