سەرنووچە:

ئیستخباراتا ئیسرائیلێ: دەستهەلاتێن ئیرانێ ل عێراقێ، بۆ سەر وەلاتێ مە گەفەک مەزنە

هەڤرکیێن ئیران و ئیسرائیلێ
ئالایا ئیسرائیلێ
فۆتۆ: 
2019-01-01

316 جار خوێندراوەتەوە

تامیر هایمەن سەرۆکێ دەزگەها ئیستخباراتا سەربازیا ئیسرائیلێ راگەهاند، ئیران دکارە دەستهەلاتێن خوە ل عێراقێ وەکی خالێن هێرشێن خوە بۆ سەر ئیسرائیلێ ب کار بینە.

د کۆنفرانسەکا رۆژنامەڤانی دا ژەنەراڵ تامیر هایمەن دازانین، عێراق دبن باندۆرا هێزێن قودس و ئیرانێ دایە و گۆت:"ئیران دکارە عێراقێ وەکی سەکۆیەکێ بۆ هێرشێن خوە بۆ سەر ئیسرائیلێ ب کار بینە."

سەرۆکێ دەزگەها ئیستخباراتا سەربازیا ئیسرائیلێ پێشبینی کر کو د سالا ٢٠١٩ێ دا ل سوریایێ گوهەرتنێن گرنگ رووبدن و دیار کر، ئیسرائیل ژ نێزیک ڤە هەبوونا ئیرانێ ل سوریا و ڤەگەراندنا ئارامیێ بۆ وی وەلاتی، چاڤدێری دکە.

د مەها تەباخێ دا ئاژانسا رۆیتەرزێ دیارکربوو کو ئیرانێ موشەکێن بالێستی، ژ بۆ گرۆپێن شیعە یێن عێراقێ شاندیە، لێ بەرپرسێن عێراقێ ئەو یەک رەت کربوون.

هـ.ج