سەرنووچە:

لەشکەرێن حکومەتا سوریایێ، دەرباسی ناڤ منبجێ بوون

ئالایا خوە د ناڤ منبجێ بلند کرن
ئالایا خوە د ناڤ منبجێ بلند کرن
فۆتۆ: 
2018-12-28

486 جار خوێندراوەتەوە

لەشکەرێن حکومەتا سوریایێ، دەرباسی ناڤ منبجێ بوون و ئالایا خوە د ناڤ منبجێ بلند کرن.

فەرماندارێ هێزێن چەکدار یێن سوریایێ بۆ ئاژانسا سانایێ ڕاگەهاند، ل هەمبەر داخوازیا خەلکێ منبجێ بۆ شەرێ دژی تیرۆرێ، ئەڤرو سوپایێ سوریایێ دەرباسی ناڤ منبجێ بوو و ئالایا ولاتێ خوە ل سەر پشکەک ژ دامودەزگەهێن وی باژارى بلند کرن.

هەروەسا راگەهاند، دێ تەڤاهیا خەلکێ منبجێ بێ جووداهی بپارێزن.

ئیرۆ سەرێ سپێدێ فەرمانداریا گشتیا یەکینەیێن پاراستنا گەل "یەپەگێ" داخواز ژ هێزێن رەژیما سوریا کربوو کو ئەرکا خوە بۆ پاراستنا سنۆرێ منبجێ لهەمبەر گەفێن حکومەتا تورکیایێ پێک بینە.

یەپەگێ دیارکربوو، هێرشێن تورکیا چاوا کو ل عەفرین، باب، عەزاز و جەرابلوسێ بوونە سەدەما کۆچبەرکرنا وەلاتیێن سڤیل، وەسا ژی دێ د ئەنجاما هێرشێن تورکیا دە ل منبجێ ژی وەلاتی کۆچبەر ببن و گۆت:" مە بەرێ ژی گۆتبوو، ئەم وەکی یەپەگە ژ منبجێ ڤەکشیانە و ئارمانجا مە ژی ئەڤە کو ل هەرێمێن دن ل دژی "تیرۆرێ" شەر بکن."

میخائیل بۆگدانۆڤ شاندیێ تایبەتێ سەرۆکێ روسیایێ بۆ رۆهەلاتا ناڤین ژی راگەهاندبوو، مۆسکۆ ئامادەیە ناڤبەینکاریێ ژ بۆ ڤەکشاندنا هێزێن تورکیا ژ سوریایێ و بجیکرنا هێزێن سوریا ل جهێن کو هێزێن ئەمریکایێ ژێ ڤەدکشن بکە.