سەرنووچە:

بالافرێن ئیسرائیلێ بارەگەهێن ئیرانێ ل سوریایێ بۆمبەباران کرن

هەیا نها ئیرانێ داخویانی ل سەر هێرشێ نەدایە
بالافرێن ئیسرائیلێ بارەگەهێن ئیرانێ ل سوریایێ بۆمبەباران کرن
فۆتۆ: 
2018-12-26

429 جار خوێندراوەتەوە

ل نێزیکی دیمەشقا پایتەختا سوریایێ بالافرێن شەر یێن ئیسرائیلێ هێرش ل هەمبەر بارەگەهێن ئارتێشا ئیران و حزبولا لوبنانێ پێک ئینا.

رەوانگەها سوری بۆ مافێ مرۆڤان راگەهاند، شەڤا بووری بالافرێن شەر یێن ئارتێشا ئیسرائیلێ ئەسمانێ لوبانێ دەرباس کرن و سێ بارەگەهێن سەربازی ل رۆژئاڤا و باشورێ دیمەشقێ کو جەبلخانەیا ئیران و حزبولایێ تێدابوون، بۆمبەباران کرن.

رەوانگەها سوری بەحسا زیانێن هێرشا ئیسرائیلێ نەکر لێ وەزارەتا بەرەڤانیا سوریایێ راگەهاند، د ئەنجاما هێرشێ دە سێ سەربازێن وان هاتنە کوشتن.

هەروەسا دیار کر هێزێن وان پرانیا موشەکێن ئیسرائیلێ بەریا کو ل ئارمانجان بکەڤن، تەقاندنە و نەهێشتنە زیانێن زێدە چێببن.

هەژمارەک ژێدەر دیاردکن ب سەدەما هێرشێ هەری کێم ٣٥ سەربازێن ئیرانێ هاتنە کوشتن و بریندارکرن، لێ حکومەت و میدیایێن ئیرانێ چ زانیاری ل سەر ئامارا هێرشێ بەلاڤ نەکرنە.

چەند رۆژ بەرێ بنیامین ناتانیاهۆ سەرۆک وەزیرێ ئیسرائیلێ دابووزانین، پشتی ڤەکشاندنا هێزێن ئەمریکا ژ سوریایێ، دێ هێرشێن ئەسمانیێ خوە بۆ سەر بارەگەهێن سەربازێن ئیران و لوبنانێ ل سوریایێ زێدە بکن.

هـ.ج