سەرنووچە:

شاندەکا سەربازیا ئەمریکایێ سەردانا تورکیایێ دکە

پرسا ڤەکشاندنا هێزێن ئەمریکا ل سوریا
شاندەکا سەربازیا ئەمریکایێ سەردانا تورکیایێ دکە
فۆتۆ: 
2018-12-25

338 جار خوێندراوەتەوە

ئیبراهیم کالن پەیڤدارێ سەرۆکاتیا تورکیایێ راگەهاند، د ڤێ حەفتیێ دا شاندەکا سەربازیا ئەمریکایێ سەردانا تورکیایێ دکە.

پشتی کابینەیا سەرۆکاتیا کۆماری یا تورکیایێ، ئیبراهیم کالن د کۆنگرەیەکا چاپەمەنیێ دا راگەهاند، ب ئارمانجا گۆتوبێژکرنا پرسا ڤەکشاندنا هێزا ئەمریکا ژ سوریایێ، ڤێ حەفتیێ شاندەکا سەربازی یا واشنتنێ سەردانا ئەنقەرێ دکە.

دەربارێ داخویانیێن بنیامین ناتانیاهۆ سەرۆک وەزیرێ ئیسرائیلێ، کالن گۆت:" وەلاتێ وی دێ شەرێ دژی "تیرۆرێ" بەردەوام بکە و بۆ وێ ئارمانجێ ژی دەستوورێ ژ ئیسرائیل و چ وەلاتەک دن وەرناگرە."

حەفتیا بووری دۆناڵد ترەمپ سەرۆکێ ئەمریکایێ، ب ئاوایەکێ فەرمی، ڤەکشاندنا هێزێن وەلاتێ خوە ژ سوریایێ ئەشکەرە کر و ئەو یەک ژی بوو سەدەما کارڤەدانێن ناڤخوە و دەرڤەیێ کوردستانێ.

هـ.ج