سەرنووچە:

گرۆپێن چەکدارێن سەر ب تورکیایێ بەر ب منبجێ ھاتنە لڤاندن

پشتى ڤەکێشانا هیزێن ئەمریکایێ
گرۆپێن چەکدارێن سەر ب تورکیایێ
فۆتۆ: ئەرشیڤ
2018-12-24

436 جار خوێندراوەتەوە

میدیایێن تورکیایێ بەلاڤکرن، ئەڤرۆ گرۆپێن چەکدارێن سەر ب تورکیایێ بەر ب دەردوورا باژارێ منبجێ ھاتنە لڤاندن.

 میدیایێن تورکیایێ بەلاڤکرنە، وەک بەرھەڤکاری بۆ ئەنجامدانا ئۆپەراسیۆنا ڕۆژھەلاتێ فوراتێ ئەڤرۆ دووشەمبیێ (٢٤ێ کانونا ٢٠١٨ێ) ھێزەکا زۆر یا گرۆپێن چەکدارێن سەر ب تورکیایێ بەر ب دەردوورا باژارێ منبجێ ھاتنە لڤاندن.

ژ ئالیەکێ دی ڤە، ھەمزە تومەنی یێ سەر ب گرۆپێن چەکدارێن سەر ب تورکیایێ ب میدیایێن وی ولاتی ڕاگەھاندیە، د نھادا ھێزێن وان ھاتنە پرچەک کرن و بەر ب سنورێن منبجێ لڤاندنە.

ئەڤە ژی دەمەکێ دایە، ل حەفتیا بووری و پشتی بریارا ڤەکێشانا ھێزێن ئەمریکایێ ل سوریایێ، ڕەجەب تەیب ئەردۆغان سەرۆک کۆمارێ تورکیایێ ڕاگەھاند، ھەر چەندە وان ئۆپەراسیۆنا ڕۆژھەلاتێ فوراتێ بۆ دەمەکێ دەمکی پاشخستنە لێ ئەو لسەر ئەنجامدانا وێ ڕژدن.

س.م