سەرنووچە:

سعودیێ ڕەتکر تۆھمەتبارێن کوشتنا خاشقچی ڕادەستی تورکیایێ بکەت

سعودیێ ڕەتکر تۆھمەتبارێن کوشتنا خاشقچی ڕادەستی تورکیایێ بکەت
فۆتۆ: فۆتۆ: ئەرشیف
2018-12-10

293 جار خوێندراوەتەوە

عادل جوبەیر وەزیرێ دەرڤەیێ سعودیێ ڕاگەھاند، ئەو وەلاتیێن ولاتێ وی یێن ب کوشتنا ڕۆژنامەڤان جەمال خاشقچی تۆھمەتبارن ڕادەستی تورکیایێ ناکەن.

 عادل جوبەیر د کۆنفرانسەکا ڕۆژنامەڤانی دا ڕاگەھاند، تۆھمەتبارێن کەیسا کوشتنا خاشقچی ڕادەستی دۆزگەرێ گشتی یێ سعودیێ کرنە، ژبەر وێ نکاریت لسەر پرسێن دۆزگەرێ گشتی باخڤە و دۆزگەرێ گشتی بخوە گوتنێن خوە ھەنە.

ناڤبری ڕاگەھاند ژی، دەرگەھێ سعودیێ بۆ ھەر بەلگەیەکێ کو مفا ژبۆ لێکۆلینێن تایبەت ب کوشتنا خاشقچی ڤەکریە.

عادل جوبەیر ئەو یەک ژی ئاشکراکر، سعودیێ چ تشتەکێ ناڤەشێرە و تەڤایا وان زانیاریێن دەربارەی وێ کەیسێ دگەھن دەستێ وان بەلاڤدکەت.

ئەڤە ژی پشتی وێ یەکێ تێ کو پێشتر دوزگەرێ گشتی یێ ستەمبۆلێ فەرمانا دەستەسەرکرنێ بۆ ھەژمارەک ژ تۆھمەتبارێن گرێدایی وێ کەیسێ دەرکر.

جەمال خاشقچی ڕۆژنامەڤانێ سعودیێ ڕۆژا سێشەمبیێ ٢ێ جۆتمەھا ٢٠١٨ێ سەردانا کونسولخانەیا وەلاتێ خوە ل ستەنبۆلێ کر و نێزیکی ٢٠ ڕۆژان بێسەرۆشین بوونێ، ل ڕۆژا ٢٠ێ ھەمان مەھێ دوزگەرێ گشتی یێ سعودیێ ڕاگەھاند، جەمال خاشقچی ژبەر شەرەکێ دناڤا کونسولخانا سعودیێ ل ستەمبۆلێ جانێ خۆ ژدەستدایە.

س.م