سەرنووچە:

موشەکێن ئیرانێ شیانێن گەھشتنا ئاخا ئەورۆپایێ ھەنە

موشەکێن ئیرانێ شیانێن گەھشتنا ئاخا ئەورۆپایێ ھەنە
فۆتۆ: 
2018-12-10

336 جار خوێندراوەتەوە

دەزگەھێ ئیستیخباراتیێ ڕۆژئاڤایان ئاشکراکرنە، د ئیسال دا ئیرانێ ب ئاوایەکێ بەرفرەھـ شیانێن موشەکیێن خوە پێش خستنە، د نھادا ئەو ولاتە خوەدی جۆرە موشەکەکێیە کو شیانێن گەھشتنا ئاخا ھندەک ژ ولاتێن یەکێتیا ئەورۆپایێ ھەیە.

 لگۆری وا بەلگەنامەیێن کەنالێ " WeLT"ێ ئەلمانیایێ کو ژ دەزگەھێن ئیسیخباراتیێن ڕۆژئاڤایان دەستخستنە، ئیرانێ ل سالا ٢٠١٨ان دا حەفت موشەکێن دۆم ناڤەند و پێنج موشەکێن دن یێ دۆم کێم و کروزی بەرھەمئانینە.

ھەر لگۆری زانیاریێن " WeLT" کو ژ چاڤکانیێن جۆدا دەستخستنە، د دەستپێکا ئیسال دا ئیرانێ تاقیکرن لسەر سێ جۆرێن موشەکێن بالیستی یێن دۆم ناڤەند  کریە ژ جۆرێ شھاب ٣ کو شیانێن گەھشتنا ناڤا ئاخا پشکەک ژ ولاتێن باشورێ ڕۆژھەلاتا یەکێتیا ئەورۆپایێ ھەنە.

لگۆری وێ ڕێکەفتنا ل سالا ٢٠١٥ان ئیرانێ دگەل ویلایەتێن ھەڤگرتیێن ئەمریکا، فەرەنسا، بریتانیا، ڕووسیا، چین و ئەلمانیایێ ئەنجامدای مینا پشکەک ژ بریارا ٢٢٣١ یا نەتەوەیێن ھەڤگرتی، ئەو پێنج ولاتە و ئیران ڕێکەفتن کو ئیران بۆ دەما ھەشت سالان دەستان ژ چالاکی و پێشخستنا موشەکێن بالیستی یێن شیانێن ئەتۆمی ھەین بەردەت، پشترا دۆنالد ترەمپ سەرۆکێ ئەمریکا ڤەکشینا ولاتێ خوە ل ڕێکەفتنا ئەتۆمی یا دگەل ئیرانێ ڕاگەھاند.

س.م