سەرنووچە:

وەزیرێ بەرێ یێ دەرڤەیێ فەرەنسایێ بێرنارد کوشنیر سەرەدانا رۆژئاڤایێ کوردستانێ کر

تورکیا دەمۆگرافیا کوردان دگوهەرینە
وەزیرێ بەرێ یێ دەرڤەیێ فەرەنسایێ بێرنارد کوشنیر سەرەدانا رۆژئاڤایێ کوردستانێ کر
فۆتۆ: ئاژانسا نووچەیان یا هاوارێ
2018-12-02

493 جار خوێندراوەتەوە

وەزیرێ بەرێ یێ دەرڤەیێ فەرەنسایێ بێرنارد کوشنیر سەرەدانا رۆژئاڤایێ کوردستانێ کر و بەشداریێ د کوربەندا ناڤدەولەتی یا قرکرنا رەگەزی و گوهرینا دیموگرافی ل عەفرینێ کر.

دوهی شاندەکە فەرەنسی ب سەرپەرشتیا بێرنارد کوشنێر گەهشتە باژارێ قامشلۆ و دگەل هەژمارەک سازیێن جڤاکا سفیل یێن ناڤخوە و ناڤدەولەتی بەشداریێ د کوربەندێ دە کرن.

بێرنارد کوشنێر د کوربەندێ دە ئاخڤی و دازانین، دەما ئەو ڤەگەریا فەرەنسایێ، دێ ل هەمبەر مەترسیێن تورکیایێ ل سەر گەلێن هەرێمێ بسەکنە، ژ بەر کو تورکیا کۆچبەرکرن، کوشتن و سیاسەتێن گوهەرتنا دیمۆگرافیێ ب کار تینە.

کوشنیر دازانین، دڤێ وەرە لێکۆلینکرن کا چما جیهان لهەمبەر کریارێن حکومەتا تورکیا لهەمبەر گەلێ کورد بێدەنگە و سۆز دا هەیا داویێ ل کێلەکا گەلێ رۆژئاڤایێ کوردستانی بمینن.

کوربەندا ناڤدەولەتی یا قرکرنا رەگەزی و گوهرینا دیموگرافی ل عەفرینێ، ئیرۆ ل باژارێ عامودێ دەستپێکر و بۆ دەما سێ رۆژان بەردەوامە و مژارا بنپێکرنێن ئارتێشا تورکیا و گرۆپێن چەکدارێن ئۆپۆزسیۆنا سوریا ل هەمبەری وەلاتیێن کوردێن عەفرینێ گۆتووبێژ دکە.

بەریا نها هەژمارەک رێکخراوێن مافێ مرۆڤان راگەهاندبوون کو خەلکێ عەفرینێ راستی بنپێکرنێن سیستماتیک هاتنە و گرۆپێن چەکدار دەست دانینە سەر زەڤی و مالێن وان، هەروها نەتەوێن یەکبووی راگەهاند، ب سەدەما ئێریشا تورکیا و دەست گرتن ب سەر عەفرینێ ١٧٠ هەزار وەلاتیێن سڤیل رەڤیانە، لێ رەوانگەها سوری بۆ مافێ مرۆڤان دبێژە، هەژمار ژ وێ مەزنترە و ونێزیکی ٢٥٠ هەزار کەس ژ عەفرینێ دەرکەتنە.

هـ.ج