سەرنووچە:

پشکداریێ د خولەکا ڕاهێنانێن نالیادا بکە و دەرفەتەکا کارکرنێ بدەستڤەبینە

فۆتۆ: 
2018-11-12

1159 جار خوێندراوەتەوە

دگەل داوی ھاتنا خولا دوو حەفتی یا مونتاژی، بێژەریێ و پیشکێشکاریێ؛ دامەزراوەیا میدیاییا نالیا  برێیا سەنتەرێ ڕاھێنانان دێرێژیێ ب خولێن ڕۆژنامەڤانیێ ددەت و د ھەفتیا داھاتی دا خولەکا چروپر یا دارێشتنا ڕۆژنامەڤانیێ  دێ ڤەکەت و دویفدا دێ دەرفەتا کاری بۆ ١٠ یەکەمێن خولێ دەرئێخن.

 د داخویانیەکێدا بۆ دیجتال میدیایا ئێن ئار تی؛ شەتاو عەزیز سەرپەرشتیارێ ڕاھێنانێن نالیا دیارکر، خولەکا ١٠ ڕۆژی دێ بۆ کاری دارێژەریێ ڤەکەت و د داویێدا دێ پشکداران ھەلسەنگینن لسەر بنەمایێ بلندترین نمرە و لدیف ڕێزبەندیێ ١٠ دەرفەتتێن کاری؛ بۆ پشکدارێن خولێ دێ دناڤ دادامەزراوەیا میدیایا نالیا دێ ڤەکەت.

ناڤبری تەکەزکر، خولا ڕۆژنامەڤانیا سەنتەرێ ڕاھێنانێن نالیا لسەر دەستێ کەسێن شارەزا و خودان ئەزمون دھێنە گوتن و ل داویا خولێدا باوەرنامێن پشکداریکرنێ بسەر فێرخازاندا دھێنە دابەشکرن، دڤێ خولا ١٠ ڕۆژیدا، فێرخاز ب ھەردوو شێوازێن تیوری و پراکتیکی لسەر شێوازێ دارێشتنا جودا یا ڕۆژنامەڤانیێ دێ ڕاھێنانان پێ ھێنەکرن.

دڤی چارچوڤەیدا سەنتەرێ ڕاھێنانێن نالیا داخوازێ ژوان کەسێن حەز ھەی دکەت؛ ئەگەر دڤێت ب ئاوایەکێ پرۆفێشنال بچنە دناڤ جیھانا ڕاگەھاندن و ڕۆژنامەڤانیێدا، دڤێت پشکداریێ د خولێن وان یێن بەردەوام دا بکەن، ژبەرکو بوویە ئەگەرێ پێگەھاندن و دامەزراندنا چەندین کارمەندان د میدیایێن کوردی دا، خواستا زێدەتر لسەر درێژەدان ب خولێن ڕۆژنامەڤانیێ و سەنتەران ھەیە.

بۆ وەرگرتنا زانیاریێن زیدەتر لسەر نرخ و ھویرکاریێن دن خول و ناڤ نڤیسین، شەتاو عەزیز داخوازێ ژ وان کەسان دکەت یێن حەزا پشکداری کرنێ ھەی بلا ڕاستەوخۆ سەرەدانا ئوفیسا سەرەکی یا ئین ئاڕ تی بکەن ل سلێمانیێ ل ناڤ گوندێ ئەلمانی  یان ژی پەیوەندیێ ب ڤان ھەژماران بکەن : ٠٥٣٣٢٣٩٠١١ یان ٠٧٧٠٦٥٣٨٤٤٤

م.ن