سەرنووچە:

داوی زانیاری دەربارەی گەهشتنا پارەیێ بەغدا و پارڤەکرنا موچەی

موچەیێ مەها ١٢ێ
فۆتۆ: 
2020-03-25

4736 جار خوێندراوەتەوە

ژێدەرەکی ژ بانکا ناڤەندیا عێراقێ ل هەرێمێ ڕاگەهاند،هەیا نها پارەیێ بەغدا بدەستێ وان نەگەهشتیە و وەزارەتا داراییا هەرێمێ ژی دبێژیت، کەنگی پارەیێ بەغدا گەهشت دێ موچەی پارڤەکەین، وەزارەتا داراییا عێراقێ ژی ڕاگەهاند، کەنگی پارڤەکرنا موچەیێ فەرمانبەران تەمام بوو دێ پارەیێ هەرێمێ فڕێکەین.

چاڤکانیەکێ ژ وەزارەتا دارایی یا هەرێمێ بۆ دیجیتال میدیایا ئێن ئاڕ تی ڕاگەهاند، د نها دا پارەیێ پێدڤی دبەردەستێ وان دا نینە بۆ پارڤەکرنا موچەیێ وەزارەتەکا وەکی پەروەردێ و کەنگی پارەیێ بەغدا ژی گەهشت دێ موچەی پارڤەکەن.

بەحسا وێیەکێ ژی کر، ئەو پارێ د نها دا د بەردەستێ وان دایە بەشێ موچەی ناکەت و پارەیێ زەرەرپێکەفتیێن دهۆکێ ژی ل وی پارەی دهێتە جەرجکرن.

ژ ئالیەکێ دی ڤە، چاڤکانیەکێ ژ وەزارەتا داراییا عێراقێ بۆ دیجیتال میدیایا ئێن ئاڕ تی راگەهاند، زێدەباری ڕاگرتنا قەدەغەیا هاتنوچوونێ، لێ ئەڤرۆ بۆ پارڤەکرنا موچەیێ فەرمانبەرێن عێراقێ دەوام کرنە و دبێژیتن ژی، کەنگی پارڤەکرنا موچەیێ وەزارەتێن دیێن عێراقێ تەمام بیت دێ پارەیێ هەرێمێ ژی فڕێکەین.

وی چاڤکانیێ زەلالکر ژی، چێدبیت ل دەمەکێ کێم موچەیێ تەڤاهیا وەزارەتان بهێتە پارڤەکرن و دی وی دەمی پارەیێ هەرێمێ فڕێکەن.

ئەڤ گۆتنێت وەزارەتا دارایی د دەمەکێ دانە، بڕیاربوو پشتی پارڤەکرنا موچەیێ وەزارەتا ساخلەمیێ، موچەیێ مەها ١٢ێ سالا دەربازبووی یێ وەزارەتا پەروەردێ بهێتە پارڤەکرن، لێ هەیا نها نەهاتیە پارڤەکرن.

ڕۆژا ٨ى ئادارا سالا دەربازبوویی، حکومەتا هەرێمێ داوی هاتنا سیستەمێ پاشەکەفتێ ڕاگەهاند، یەکەمین مووچەیێ بێ پاشەکەفت ژی، مووچەیێ مەها ١٢یا سالا ٢٠١٨ بوو.