سەرنووچە:

ئیتالیا.. هەژمارا جان ژدەستدایان ب کۆرۆنایێ گەهشتە شەش هزار و ٨٢٠ کەسان

فۆتۆ: 
2020-03-25

268 جار خوێندراوەتەوە

د ٢٤ دەمژمێرێن دەربازبوویی دا ٧٤٣ توشبوویێن کۆرۆنایێ ل ئیتالیا ژیانا خۆ ژدەستدانە و بڤێ یەکێ ژی هەژمارا جان ژدەستدایان بۆ شەش هزار  ٨٢٠ کەسان بلندبوو.

ئەنجیلۆ بۆرێللی سەرۆکێ لیژنەیا بەرهەنگاربوونا ڤایرۆسێ کۆرۆنایێ ل ئیتالیا ڕاگەهاند، هەژمارا حالەتێن توشبوون ب ڤایرۆسێ کۆرۆنایێ د ولاتێ وان دا گەهشتیە ٥٤ هزار و ٣٠ کەسان و ب وان یێن چێبووین و ژیانا خۆ ژدەستداین هەژمارە ٦٩ هزار و ١٧٦ کەسن.

دازانین ژی، دوهی ٨٩٤ توشبوو ژ ڤایرۆسی چێبوونە و بڤێ یەکێ ژی هەژمارا چێبوویان گەهشتیە هزار و ٣٢٦ کەسان.

هەڤدەم، فرانک لۆکاتێلی، ئەندامێ پەیمانگەها بلندا ساخلەمیا ئیتالیا ڕاگەهاند، "د نها دا بەحسا درێژکرنا ڕێکارێن ڕێگرتن ژ بەلاڤبوونا ڤارۆسێ کۆرۆنایێ هەیا مەها تەمموزێ د ڕۆژەڤێ دا نینە".

س.م