سەرنووچە:

داوی ئاوامارا جان ژ دەستدانا توشبوویێن کۆرۆنایێ ل ڕۆژهەلاتا کوردستانێ هاتە ئاشکراکرن

فۆتۆ: 
2020-03-25

269 جار خوێندراوەتەوە

سازیا هەنگاو ڕاگەهاند، ٢١ کەسێن دی ژبەر ڤایرۆسێ کۆرۆنایێ ل ڕۆژهەلاتێ کوردستانێ ژیانا خۆ ژدەستدان، تەڤاهیا وان کەسێن کو هەیا نها ب ڤایرۆسی ژیانا خۆ ژدەستداین گەهشتیە ٢٢٧ کەسان.

سازیا هەنگاو بۆ مافێن مرۆڤی د ڕاگەهاندنەکێ دا دیارکر، ل ڕۆژهەلاتێ کوردستانێ د دەما ٢٤ دەمژمێرێن دەربازبوویی دا ٢١ وەلاتیێن توشبوویێن کۆرۆنایێ ژیانا خۆ ژدەستدانە و هەیا نها هەری کێم ٢٢٧ وەلاتیێن کورد ژبەر ڤایرۆسی ژیانا خۆ ژ دەستدانە کو ٧٣ کەس ژنن و ١٥٤ ژی زەلامن و پارێزگەها سنە ژی زۆرترین حالەت تێدا هاتنە تۆمارکرن ب ٨٣ حالەتێن ژیان ژدەستدانێ.

دیارکریە ژی، لگۆری ئاماران ل ئیلامێ ٣٢ حالەت و ل کرماشان ٥٤ حالەت و ل ئورمیێ ژی ٥٨ حالەتێن ژیان ژدەستدانێ هاتنە تۆمارکرن.

هەڤدەم لگۆری ڕاگەهاندنا هەنگاوێ ئیرانێ تنێ ١٠٥ حالەت بەلاڤکرینە کو بڤی ڕەنگینە، ل پارێزگەها سنە ٣٣ کەس، ئورمیە ٤٠ کەس، کرماشان ١٩ کەس و ئیلام ١٣ کەس ژبەر توشبوون ب ڤایرۆسێ کۆرۆنایێ ژیانا خۆ ژدستدانە.

ئەڤە ژی دەمەکێ دایە، دوهی چارشەمبیێ ٢٤ێ ئادارا ٢٠٢٠ێ وەزارەتا ساخلەمیا ئیرانێ ڕاگەهاند، د دەما ٢٤ دەمژمێرێن دەربازبوویی دا، هزار و ٧٦٢ کەسێن دی توشی کۆرۆنایێ بوونە و ١٢٢ کەس ژی ب هەما سەدەم ژیانا خۆ ژدەستدانە.

س.م