سەرنووچە:

ساخلەمیا سلێمانیێ: ئەم ڤێ تەکنیکێ بۆ چارەسەرکرنا توشبوویێن کۆرۆنایێ بکاردئینین

فۆتۆ: 
2020-03-25

1399 جار خوێندراوەتەوە

ڕێڤەبەرێ ساخلەمیا سلێمانیێ ڕاگەهاند، پلازمایا خوینا چێبوویێن ڤایرۆسێ کۆرۆنایێ وەک چارەسەر بۆ توشبوویێن دی بکاردئینین.

سەباح هەورامی ڕێڤەبەرێ ساخلەمیا سلێمانیێ ڕاگەهاند، "دەما چەند حەفتیانە ب گۆتۆبێژ و نەرین گۆهەڕتنا زانستی دگەل کۆمەکا نۆژدارێن پسپۆر دەربارەی بکارئینانا پلازمایا چێبوویێن ڤایرۆسێ کۆرۆنایێ وەک چارەسەر بۆ توشبوویان، پشتی پەسەندکرنێ ژ ئالیێ دەزگەهێ خوارن و دەرمانێ ئەمریکی (FDA)، مە بڕیار دا ئەم ڤێ تەکنیکێ بکاربینین بۆ توشبوویێن ڤایرۆسێ کۆرۆنایێ".

دیارکریە ژی، "ئەم ل سلێمانیێ ڤێ تەکنیکێ بۆ وان نەخۆشخان بکاردئینین کو ڕەوشا ساخلەمیا وان نەیا جێگیرە وەک بزاڤەک بۆ چارەسەریا نەخۆشان، ب هیڤیا چارەسەریێ بۆ توشبوویان، هیڤی خوازین ڤێ تەکنیکا کلاسیک مفا هەبیت".

پلازمایا خوینێ یان ژی زڤڕۆکێن سپی کو ‌هێزا بەڕەڤانیا ناڤ خوینا لەشێ مرۆڤی دانە بەرپرسن ژ هێرشکرنا سەر ڤایرۆسان و تەنێن نامۆیێن ناڤ لەشی و دووبارە بەرهەمئینانەڤە و گۆهەڕتنا وان ب زڤرۆکێن سپی و سور.

هەر د کەڤندا ئەو تەکنیک هاتیە ناسکرن کو کەسەک ژ نەخۆشیەکێ چێببیت وی دەمی دێ سیستەمێ بەڕەڤانیا وی کەسی ڤایرۆسی ناسکەت و دکاریت بەسەردا زالببیت و ژبەر وێ یەکێ بکارئینانا پلازما خوینا وی کەسی بۆ نەخۆشێن دی ژی بکاردئینن و هەڤکاریا سیستەمێ بەڕەڤانیا وان ژی بکەت.

س.م