سەرنووچە:

سلێمانی.. شەش توشبوویێن نوویێن کۆرۆنایێ هاتنە تۆمارکرن

هەموو ئاکنجیێ قەزا دەربەندیخانن
فۆتۆ: 
2020-03-24

280 جار خوێندراوەتەوە

وەزارەتا ساخلەمیا هەرێمێ ڕاگەهاند، شەش حالەتێن نوویێن توشبوون ب کۆرۆنایێ ل قەزایا دەربەندیخان هاتنە تۆمارکرن و توشبوویێن نوو ژی بەرکەفتیێن توشبوویێن وان کەسانە کو دوهی هاتنە ڕاگەهاندن.

وەزارەتا ساخلەمیا هەرێمێ، بەلاڤکر، " د بەردەوامیا پشکنین و لێگەڕیان ب دویف گومانلێکریان دا، شەش توشبوویێن نوویێن دی ب کۆرۆنایێ ل سلێمانیێ هاتنە دەستنیشانکرن."

بەحسا وێیەکێ ژی کر، " توشبوویێن نوو ژ دوو مالباتانە و بەرکەفتیێن توشبوویێن دوهی نە، کو سێ ژن و دوو زارۆکن و یەک زەلام ژی تێدایە، هەموو ژی ئاکنجیێ قەزا دەربەندیخانن."

لگۆڕەی ئامارێن وەزارەتا ساخلەمیێ، هەیا نها ٩٧ حالەتێن توشبوون ب کۆرۆنایێ ل هەرێمێ هاتنە تۆمارکرن ب ئاوایەکێ ٦٧ توشبوو ل پارێزگەها سلێمانیێ و ٢٨ توشبوول هەولێرێ و دوویێن دی ل دهۆکێ، ل وێ هەژمارەیێ ژی دوو کەسان ژیانا خوە ژ دەستدانە و ٢٧ یێن دی ژی ب تەمامی چێبوونە.