سەرنووچە:

کەرکوک.. حالەتەکێ دی یێ توشبوون ب کۆرۆنایێ هاتە تۆمارکرن

حالەتێ پێنجێیە ل وی باژاڕی
فۆتۆ: 
2020-02-27

360 جار خوێندراوەتەوە

وەزارەتا ساخلەمیا عێراقێ ڕاگەهاند، پێنجەم حالەتێ توشبوون ب کۆرۆنایێ ل باژاڕێ کەرکوکێ هاتە تۆمارکرن.

د بەیاننامەکێ دا وەزارەتا ساخلەمی و ژینگەها عێراقێ ڕاگەهاند، حالەتەکێ دی یێ توشبوون ب ڤایرۆسا کۆرۆنایێ ل باژاڕێ کەرکوکێ هاتە تۆمارکرن و د نها دا بۆ نەخۆشخانەیا تایبەت هاتیە ڤەگوهاستن و دبن چاڤدێریا هوور دا هاتیە دانان.

دەربارەی وی حالەتی ژی سەیف ئەلبەدر، پەیڤدارێ وەزارەتا ساخلەمیا عێراقێ ڕاگەهاند، ئەو کەسە زەلامەکێ تەمەن ٥١ سالە و ل ولاتێ ئیرانێ بۆ عێراقێ ڤەگەڕیایە، لیژنەیێن ساخلەمیێ چاڤدێری لێکریە و پشتی وەرگرتنا نمونەیێ (سامپل)ا توشبووی دەرکەفتیە ئەو کەسە توشی کۆرۆنایێ بوویە.

بەحسا وێ یەکێ ژی کریە، تەڤاهیا ڕێکاران دگەل توشبووی گرتنەبەر و داخوازێ ژ وەلاتیان ژی دکەن پێگیری ڕێنمایێن لیژنەیێن بەرهەنگاربوونا کۆرۆنایێ ببن.

ئەڤە ژی دەمەکێ دایە، هەر ئەڤرۆ وەزارەتا ساخلەمیا عێراقێ ڕاگەهاند، گەنجەکێ دی کو ل ئیرانێ ڤەگەڕیایە ل باژاڕێ بەغدا توشی ڤایرۆسا کۆرۆنایێ بوویە و ب ڤێ یەکێ ژی هەژمارا توشبوویان ل سەرتاسەریا عێراقێ بۆ ٧ کەسان بلندبوو.

س.م