سەرنووچە:

بەرپرسەکا پلە بلندا ئیرانێ تووشی کۆرۆنایێ بوو

فۆتۆ: 
2020-02-27

688 جار خوێندراوەتەوە

مەعسومە ئیبتیکار جێگرا حەسەن ڕۆحانی سەرۆک کۆمارێ ئیرانێ بۆ کاروبارێن ژنان تووشی ڤایرۆسا کۆرۆنایێ بوویە.

ئاژانسێن نووچەی بەلاڤکرن، پشتی کو پشکینین بۆ هاتیە کرن دەرکەفتیە مەعسومە ئیبتیکار جێگرا حەسەن ڕۆحانی بۆ کاروبارێن ژنان تووشی ڤایرۆسا کۆرۆنایێ بوویە.

هەڤدەم، میدیایێن ناڤخۆیێن ئیرانێ ڕاگەهاندن، هادی خەسرەو شاهی بالیۆزێ بەرێ یێ وی ولاتی ل ڤاتیکان و بەرپرسێ بەرێ یێ نڤیسینگەها پاراستنا بەرژەوەندیێن ئیرانێ ئەڤرۆ پێنجشەمبیێ ژبەر ڤایرۆسێ ژیانا خۆ ژدەستدایە.

ئەڤە ژی دەمەکێ دایە، پێشتر دەستهەلاتدارێن ئیرانێ ڕاگەهاندبوو، ئیرەج حەریرچی جێگرێ وەزیرێ ساخلەمیا وی ولاتی تووشی ڤایرۆسێ بوویە.

لگۆری نووترین ئاماران ژی، هەژمارا وان کەسێن هەیا نها ل جیهانێ ژبەر کۆرۆنایێ ژیانا خۆ ژ دەستداین بۆ دوو هزار و ٨١١ کەسان و توشبوویان ژی بۆ ٨٢ هزار و ٤٤٥ کەسان بلندبوویە. هەڤدەم هەیا نها ٣٢ هزار و ٧٥٦ کەس ژ وێ نەخۆشیێ چێىوونە.

س.م