سەرنووچە:

وەزارەتا ناڤخۆ دەربارەی ڤایرۆسا کۆرۆنایێ داخوازیەک ژ وەلاتیان کر

فۆتۆ: 
2020-02-27

382 جار خوێندراوەتەوە

وەزارەتا ناڤخۆیا هەرێمێ ڕاگەهاند، داخوازێ ژ وەلاتیان دکەن هاتن و چوونێ د ناڤبەرا باژاڕان دا کێم بکەن، هەروەسا دگەل پارێزگەهێن دی ژی هەیا بکارن هاتن و چوونێ کێم بکەن.

ئەڤرۆ پێنجشەمبیێ ٢٧ێ سباتا ٢٠٢٠ێ وەزارەتا ناڤخۆیا حکومەتا هەرێما کوردستانێ د ڕاگەهاندنەکێ دا بەلاڤکر، "داخوازێ ژ وەلاتیێن هەرێما کوردستانێ دکەین دەرباری خۆپاراستن ژ ڤایرۆسا کۆرۆنایێ ڕێنمای و بڕیارێن حکومەتێ بەرچاڤبگرن ".

بەحسا وێ یەكێ ژی کر، "دەربارەی دەڤەرێن کوردستانیێن دەرڤەیی هەرێمێ ب تایبەت پارێزگەها کەرکوکێ داخواز دکەین وەلاتی ڕێنمایێن ب خۆپاراستن ژ ڤایرۆسا کۆرۆنایێ جیبجی بکەن".

ئەڤە ژی دەمەکێ دایە، ڕۆژا سێشەمبیێ ٢٥ێ سباتا ٢٠٢٠ێ، چار کەسێن توشبوو ب کۆرۆنایێ ل کەرکوکێ هاتنە تۆمارکرن کو ل ولاتێ ئیرانێ ب ڕێیا خانەقینێ بۆ وی باژاڕی ڤەگەڕیابوون، ب وێ سەدەمێ ژی ڕێکارێن خۆپاراستن د هەرێمێ دا هاتنە توندترکرن.

س.م