سەرنووچە:

فازڵ میرانی: هەر کوردەک بەربژارێ مە نەبیت دێ ل تەها محێدین خرابتر تەماشەکەین

فۆتۆ: 
2020-02-27

942 جار خوێندراوەتەوە

سکرتێرێ مەکتەبا سیاسییا پارتیا دیموکراتا کوردستانێ راگەهاند، "هەر کوردەکێ د کابینەیا عەلاوی دا ببیتە وەزیر بێ کو ئالیێن کوردی و حکومەتا هەرێمێ بەربژار بکەن دبیت خراپتر ژ (تەها محێدین) تەماشە بكه‌ین."

فازڵ میرانی، سکرتێرێ مەکتەبا سیاسییا پارتى ب حزبێن دەرڤەی پارتى و یەکێتى ل بەغدا بۆ دەنگێ ئەمریکا راگەهاندیە، ئه‌گه‌ر پارتی و یه‌كێتی نه‌بن نه‌ هوون مووچه‌ی وه‌ردگرن و نه ‌كه‌س ژی ڕێزێ ل هەوە دگریت.

راگەهاندیە ژی، ته‌ڤاهیا هێزێن عێراقی ژ ئاوایێ  ڕەفتارکرنا عه‌لاوی نەڕازیینە و عه‌لاوی وەها دزانیت کو ل مه‌ریخێ هاتیه‌، نزانیت عێراق وڵاتەکە ٦٢ سالە لسه‌ر سێ پێکهاتێن سوننه‌ و شیعه ‌و كوردان دروست بوویه‌.

دازانین ژی، هەیا نها چار کودەتایێن سەربازی ل عێراقێ هاتنەکرن، ئه‌ڤا عەلاوی دکەت کودەتایا پێنجێ یە، لێ ب به‌رگەكێ سیاسی و ئەو حكومەتەکا شمولی قەبوڵ ناکەن و دکارن ژ حكومه‌تا عەلاوى به‌شدار نه‌بن.

سکرتێرێ مەکتەبا سیاسییا پارتی گوت ژی، یەک ژ وان بژاردێن ل بەردەستێ كوردان ئەوە داخوازا مافێن ‌خۆ یێن ده‌ستوری دكه‌ن.

بژاردەکا دی ژی، ئەو وه‌ك عێراقی به‌شداریێ دگەل هێزهێن عێراقی دكه‌ن، ئه‌وێ حیسابێ بۆ وان نه‌كەت، ئەو ژی نەهاریکاریێ لێ دکەن و نه‌حسابی بۆ دكەن.

ئەڤ ئاخافتنێن فازڵ میرانی پشتی وێ یەکێ دهێن، کو موقتەدا سەدر ڕابەرێ ڕەوتا سەدر د هەڤدیتنەکا تەلەفزیۆنی دا گوت ل کوردستانێ تنێ پارتی و یەکێتی نینە، بەلکو حزب و ئاراستەیێن دی ژی هەنە و نەوەی نوێ کرە میناک، هەر پشتی ڤێ یەکێ ژی د جادەیێن عێراق و کوردستانێ دا دنگۆیێ وێ یەکێ هاتە بەلاڤکرن کو نەوەی نوێ هاتیە بانگهێشتکرن بۆ بەشداریکرن د پێکئینانا حکومەتا نوویا عێراقێ دا، هەرچەندە چ تشتەک دەربارەی وێ یەکێ ب فەرمی نەگەهشتیە دەست ڤەلڤینا نەوەی نوێ، لێ لگۆری تویتەکا شاسوار عەبدولواحید سەرۆکێ ڤەلڤینا نەوەی نوێ کو ڕاگەهاندیە، "پشتەڤانیا پێکئینانا حکومەتا عێراقێ دکەین، کو نوینەراتیا داخوازیێن خەلکی بکەت و دووربیت ژ بەربژارێن حزبی ب حزبێن کوردی ژی ڤە". ئەڤە ژی وەسا دهێتە لێکدان کو نەوەی نوێ بەشداریێ د پێکئینانا حکومەتا نوودا ناکەت.

 فازل میرانی بەحسا وێ یەکێ ژی کر، هندەک ژ نوینەرێن حزبان دبێژن وان ل بەغدا بودجە و مووچە دابینکرنە، پارتی و یەکێتی ژی ژ پێخەمەت دابینکرنا پۆستێ وەزارەتان بۆ خۆ مانە.

 تەها محێدین کی بوو؟

 تەها محێدین مەعروف کوردەکێ ژ دایکبویێ سالا ١٩٢٩بوو، ل سالا ١٩٧٥ هەیا ژناڤچوونا ڕژێما بەعس ل ٢٠٠٣ێ جێگرێ سەدام حوسێن بوو، ل ٧ێ تەباخا ٢٠٠٩ێ د تەمەنێ ٨٤ سالیێ دا وەغەرا داویێ کر.

س.م