سەرنووچە:

بەغدا.. شاندا بەشەک ژ حزبێن کوردی و عەلاوی لهەڤنەهاتن

دەربارەی پیکئینانا حکومەتا نوو
فۆتۆ: 
2020-02-27

604 جار خوێندراوەتەوە

نوچەگەهانێ دیجیتال میدیایا ئێن ئاڕتی ل بەغدا ڕاگەهاند، جڤینا بەشەک ژ حزبێن کوردی دگەل عەلاوی دەربارەی حکومەتا نوو نەگەهشتینە چ ئەنجاما و لهەڤهاتنان.

نوچەگەهانێ ئێن ئاڕ تی ل بەغدا ڕاگەهاند، ئەڤرۆ بەری چوونا محەمەد تەوفیق عەلاوی بۆ ئاڤاهیێ پەڕلەمانی، دگەل شاندا بەشەکا ئالێن کورلادی جڤیایە و جڤینان وان ژی شکەست ئانیە و نەگەهشتنە چ لهەڤهاتنان.

بەحسا وێیەکێ ژی کر، د نها دا بەربژێرێ ئەرکدارکری بۆ پێکئینانا حکومەتا نوو یا عێراقێ ل ئاڤاهیێ پەلەمانیە و بەشەکا ئالیێان شیعەیان ژی داخوازا پاشداخستنا جڤنێ دکەن.

دیارکر ژی، پڕانیا ئالیێن کوردی خۆ یەکئالی کریە کو د ژ حالەتێ برێڤەچوونا ڕۆنشتنا پەڕلەمانی، دەنگ ب کابینەیا عەلاوی نادەن، گۆت ژی، سونەیان ژی ژ کۆما ٦٧ پەڕلەمانتاران تنێ ١٥ دێ بەرهەڤێ پڕۆسەیا دەنگدان ب کابینەیا نوو یا حکومەتێ بن.

ئەڤەژی د دەمەکێ دایە، د نها دا تەڤاهیا حزبێن کوردی ب پارتی و یەکێتیێ ژی ڤە، هەڤدەنگن لسەر ئاوایێ دیارکرنا وەزیرێن کابینەیا حکومەتا نوو یا عێراقێ و بۆ وێ مەرەمێ ژی شاندەک بۆ بەغدا شاندبوو تنێ نەوەی نوێ نەبیت کو هەلویستێن وێ جودانە، دوهی ژی شاسوار عەبدولواحید، سەرۆکێ ڤەلڤینێ د توێتەکێ دا ڕاگەهاندبوو، " ڤەلڤینا نەوەی نوێ وەک بەشەک ژ جاددەیا کوردی کو نێزیکی %٦٥ێ دەنگدەرێن وێ پشکداری د هەلبژارتنان دا نەکر، پشتەڤانیا حکومەتا عێراقێ دکەت، حکومەت کو نوونەراتیا داخوازیێن خەلکی بکەت و دوور بیت ژ بەربژێرێن حزبی و ب حزبێن کوردی ژی ڤە کو ب سەختەکاریان خۆ کرنە نوونەرێن گەلێ کورد و بڕیارێن کوردستانێ ژی ب هێزا چەکی و پارە و هەوەیێن نەتەوەیێ دەستدانایە سەر".