سەرنووچە:

وەزیرێ ساخلەمیا تورکیا: چ حالەتێن کۆرۆنایێ نەهاتنە تومارکرن

فۆتۆ: 
2020-02-26

191 جار خوێندراوەتەوە

وەزارەتا ساخلەمیا تورکیایێ راگەهاند، هەیا نها ل تورکیا چ حالەتێن توشبوون ب ڤایرۆسێ کۆرۆنا نەهاتنە تومارکرن و ئەوێن ل ئیرانێ ڤەگەریاین ئەنجامێن پشکنینێن وان د پاقژبوون.

فەخرەدین کوجا وەزیرێ ساخلەمیا تورکیا د کونفرەنسەکێ رۆژنامەڤانی دا راگەهاند، پەتایا ڤایرۆسێ کۆرۆنا بەردەوامە و ل جیهانی بەلاڤبوویە و هەیا ئەڤرۆ ژبلی چینێ ل ٣٦ ولاتان ب یونان و بەحرین ڤە ژى حالەتێن وی ڤایرۆسی هاتنە تومارکرن.

دەربارەی ئەو وەلاتیێن تورک یێن ل ئیرانێ ڤەگەریان بۆ تورکیایێ راگەهاند، "من دڤێت بتایبەتى وی یەکێ بێژم کو هەیا نها چ نیشانەکێ نەخوشیێ تێدا نەدەرکەفتیە".

گوت ژى،"بەرى راگەهاندنا حالەتێن توشبوونێ ل یونانێ، د دەما زێدەبوونا حالەتان د ولاتێن جیران دا، پێدڤیە ئەم بەرهەڤیان بۆ خۆپاراستنێ زێدەبکەین".

لگۆری نووترین ئاماران ژی، هەژمارا وان کەسێن هەیا نها ل جیهانێ ژبەر کۆرۆنایێ ژیانا خۆ ژ دەستداین بۆ دوو هزار و ٧٦٩ کەسان و توشبوویان ژی بۆ ٨١ هزار و ١٨٤ کەسان بلنبوویە. هەڤدەم هەیا نها ٣٠ هزار و ٣١٢ کەس ژ وێ نەخۆشیێ چێىوونە.