سەرنووچە:

زاخۆ.. سێ کەس ب گۆمانا توشبوونێ ب کۆرۆنایێ خستنە دبن چاڤدێریێ دا

ل نەخوشخانا زاخۆ ھاتنە راگرتن
فۆتۆ: 
2020-02-26

7809 جار خوێندراوەتەوە

ساخلەمیا زاخۆ راگەهاند، سێ کەس ب گۆمانا توشبوونێ ب نەخوشیا کۆرۆنایێ ل نەخوشخانا زاخۆ ھاتنە راگرتن و خستنە د بن چاڤدێریا نۆژداری دا.

دکتۆر قەرەنی سەعید رێڤەبەرێ ساخلەمیا زاخۆ بۆ ئێن ئاڕ تی راگەھاند، شەڤا دەربازبوویی سێ وەلاتیێن خەلکێ ھەرێما کوردستانێ کو دوو ژ وان خەلکێ زاخۆنە و یەک ژی خەلکێ سورانە ژ ولاتێ ئیرانێ چووبوونە تورکیا و ژ تورکیا ژی ب ڕێیا دەرگەھێ سنوری یێ ئیبراھیم خەلیل دەربازی زاخۆ بوونە لێ پشتی پشکنین بۆ وان وەلاتیان ھاتینە کرن گۆمانا نەخوشیا ڤایروسا کۆرۆنایێ لسەر وان دەرکەفتیە.

ئەو یەک ژی دایە دیارکرن، پشکنینێن وان سێ گۆمانلێکریان بۆ هەولێرێ هاتنە شاندن و دێ بۆ دەمێ ١٤ رۆژان ل نەخوشخانا تەنگاڤیا زاخۆ دبن چاڤدێریێ دابن.

ئاشکرا کریە ژی، ئەو سێ کەس ل تورکیا ب رێیا دەرگەھێ سنوری یێ ناڤدەولەتیێ ئیبراھیم خەلیل دەربازی هەرێمێ بوونە، لێ پشتی هەبوونا گۆمانا ڤایرۆسێ کۆرۆنایێ لسەر وان هاتنە راگرتن، نەهێلانە بچنە ناڤ خەلکی دا.

ئەڤە ژی د دەمەکێ دایە، وەزارەتا ساخلەمی و ژینگەها عێراقێ دوهی  د بەیاننامەكێ دا ڕاگەهاند، چار حالەتێن توشبوونێ ب ڤایرۆسێ كۆرۆنایێ ل باژارێ كەركوكێ هاتنە تۆماركرن.

م.ن