سەرنووچە:

وەزیرێ ساخلەمیا هەرێمێ دەربارەی هەبوونا ڤایرۆسا کۆرۆنایێ بەرسڤا ئیرانێ دا

گەفا کۆرۆنایێ لسەر جیهانێ
فۆتۆ: 
2020-01-29

902 جار خوێندراوەتەوە

وەزیرێ ساخلەمیا هەرێما کوردستانێ ئاخافتنێن وەزیرێ ساخلەمیا ئیرانێ ڕەتکرن و ڕاگەهاند، هەیا نها چ حالەتەکێ تووشبوون ب ڤایرۆسا کۆرۆنایێ ل هەرێمێ نەهاتیە تۆمارکرن.

سامان بەرزنجی وەزیرێ ساخلەمیا حکومەتا هەرێمێ بۆ ئێن ئاڕ تی ڕگەهاند، دەنگۆیێ هەبوونا حالەتێ توشبوون ب ڤایرۆسا کۆرۆنایێ د هەرێما کوردستانێ دا دوورە ژ ڕاستیێ و هەیا نها چ حالەتەک نەهاتیە تۆمارکرن.

دەربارەی هۆشداریێن وەزارەتا ساخلەمیا ئیرانێ کو ناڤێ هەرێما کوردستانێ د لیستا وان ولات و جهان دا دانایە کو ڤایرۆسا کۆرۆنایێ تێدانە گوت، "ڕاگەهاندنا وەزارەتا ساخلەمیا ئیرانێ ڕەت دکەین".

ئەڤ گوتنێن وەزیرێ ساخلەمیا هەرێمێ دەمەکێ دایە، ئەڤرۆ وەزارەتا ساخلەمیا ئیرانێ ژبەر ڤایرۆسا کۆرۆنایێ داخواز ژ وەلاتیێن خۆ کر سەرەدانا هەر یەک ژ هەرێما کوردستان، سعودیە و ئیماراتێ نەکەن و دازانین، "حالەتێ توشبوون ب ڤایرۆسا کۆرۆنا ل وان ولات و جهان هاتیە تۆمارکرن".

ئەڤە ژی دەمەکێ دایە، ئەڤرۆ وەزیرێ ساخلەمیا ئیماراتێ ڕاگەهاند، یەکەم حالەتێ توشبوون ب ڤایرۆسا کۆرۆنا د ولاتێ وان دا هاتیە تۆمارکرن. هەڤدەم، هەژمارا وان کەسێن کو بسەدەما ڤایرۆسێ کۆرۆنایێ ل ولاتێ چینێ ژیانا خۆ ژ دەستداین بۆ ١٣٢ کەسان بلندبوو.

س.م