سەرنووچە:

دادگەها هەولێرێ کەیسا فەرهاد پیربال یا شەوتاندنا مالا وەفایی داخست

فۆتۆ: 
2020-01-29

249 جار خوێندراوەتەوە

ئەڤرۆ دادگەها هەولێرێ ب تەمامی کەیسا دادگەهکرنا فەرهاد پیربال لسەر شەوتاندنا مالا وەفاییێ داخست و ناڤبری ئازادکر.

سۆران عەزیز خودانێ مالا وەفایی د پەرەیێ خۆ یێ فەیسبووکێ دا نڤیسیە، "د دادگەها ئەڤرۆ دا فەرهاد پیربال داخوازا لێبورینێ کر و ئەز ژی لێ خۆش بووم".

دیارکر ژی، "ژ ئەڤرۆڤە، ب نڤیسارەکێ کو ل بەردەستێ دادوەری هەیە و ب چەند وێنەیان داوی ب ڤێ کەیسێ هات".

بەحسا وێ یەکێ ژی کریە، "کەفیلێن فەرهاد پیربال پاشداڤەکشیا بوون، ژبەر وێ یەکێ دووبارە دا هێتە دەستەسەرکرن، لێ ئەز ب وێ ڕازینەبووم و بێ  چ قەرەبوویەکا مادی ژی من داوی ب وێ کەیسێ ئینا".

ڕاگەهاندیە ژی، "دەما کو من فەرهاد پیربال د ناڤ قەفەسا دادگەهێ دا بینی، من داخواز ژ دادوەری کر کو بینیتە دەرڤە و ل دەرڤە بئاخڤیت، پشتڕا ب سوپاسی ڤە داخوازا من قەبوول کر".

ل مەها نیسانا سالا دەربازبوویی، مالا وەفایی ل باژارێ هەولێرێ ژ ئالیێ فەرهاد پیربال ڤە هاتە شەوتاندن، پشتڕا سۆران عەزیزێ خودانێ مالا وەفایی سکالا لسەر فەرهاد پیربال تۆمارکر و ب وێ یەکێ ژی هاتە دەستەسەرکرن، دیڤدا ژی ب کەفالەت هاتە ئازادکرن.

س.م