سەرنووچە:

سەرۆکێ هەرێمێ هێرشکرنا سەر بالیۆزخانەیا ئەمریکا ل بەغدا شەرمزار کر

فۆتۆ: 
2020-01-27

240 جار خوێندراوەتەوە

نێچیرڤان بارزانی سەرۆکێ هەرێما کوردستانێ ڕاگەهاند، " هێرشا کو شەڤا دەربازبوویی بۆ سەر بالیۆزخانەیا ئەمریکا ل بەغدا هاتیە کرن شەرمزار دکەین".

نێچیرڤان بارزانی سەرۆکێ هەرێما کوردستان د ڕاگەهاندنەکێ دا دازانین، "وێ هێرشا مووشەکیا شەڤا دەربازبوویی کو بالیۆزخانەیا ئەمریکا ل بەغدا کریە ئارمانج شەرمزار دکەین، ئەڤ کریارە دێ مەترسیێ لسەر ڕەوشا ئەولەهیێ و بەرژەوەندیێن عێراقێ دروست کەت".

بەحسا وێ یەکێ ژی کریە، "دووبارەبوون و بەردەوامیا وان ژی، دێ کارڤەدانێن خراب بۆ سەر ولاتی هەبن".

د ڕاگەهاندنا سەرۆکێ هەرێمێ دا ئەو یەک ژی هاتیە، "پاراستنا ئاسایشا بالیۆزخانەیان و دیپلۆماتان ئەرکێ ئالیێن بەرپرسە، نابیت ڕێ بهێتە دان ڕێسا و یاسایێن ناڤدەولەتی بهێنە بنپێکرن، دیپلۆماتکار و شاندێن دیپلۆماتی بهێنە ئارمانجکرن"، هەروەسا، "تەکەز دکەین کو نابیت عێراق ببیتە گۆڕەپانا یەکئالیکرنا هەڤڕکیێن هێزێن هەرێمی و ناڤدەولەتی".

ئەڤە ژی دەمەکێ دایە، ئێڤاریا دوهی پێنج مووشەک ئاراستەی دەڤەرا کەسک یا بەغدا هاتنە کرن و ل نێزیک بالیۆزخانەیا ئەمریکا ل بەغدا کەفتن.

س.ع