سەرنووچە:

ئاکرێ.. ژبەر بۆمبەبارانا دوهی یا تورکیا هەژمارەک وەلاتیێن سنورێ ناحیا دینارتێ بێ سەروشینن

چارکەس هاتنە دیتن
فۆتۆ: 
2020-01-27

1797 جار خوێندراوەتەوە

دیجیتال میدیایا ئین ئاڕ تی، ئاکرێ، شکیران زێباری

ژبەر بۆمبەبارانا دوهی یا بالەفرێن تورکیا ل سنورێ ناحیا دینارتە یا سەر ب قەزایا ئاکرێ هەژمارەک وەلاتیێن سڤیل بێ سەروشینن.

شەعبان خەلیل ڕێڤەبەرێ ناحیا دیناتێ بۆ دیجیتال میدیایا ئێن ئاڕ تی ڕاگەهاند، ب سەدەما بۆمبەبارانا دوهی يا بالەفرێن توركيا بۆ سەر چەند گوندێن دەڤەرا زێبارێ ل ناحيا دينارتە یا سەر ب قەزا ئاكرێ شەش وەلاتی بێ سەروشين ببوون، لێ ئەڤرۆ سلامەتیا چار کەسان هاتیە زانین و چارەنڤیسێ دوویێن دی ژی نەدیارە.

هەڤدەم دەروێش بابەکر موختارێ دینارتە د داخویانیەکێ دا بۆ ئێن ئاڕ تی ڕاگەهاند، "ئەڤرۆ یەک ژ وان شەش وەلاتیێن کو دوهی ژبەر بۆمبەبارانا بالەفرێن تورکیا بێسەروشین بووی، پەیوەندی ب من کریە و داخوازا ل هەوارچوونێ کریە".

گوت ژی، "وی کەسی ئەم ئاگەهدارکرینە کو هەژمارا وان شەش کەسن و بووینە ئارمانجا بۆمبەبارانێ و دوو کەسێن دگەل وان دا بێسەروشینن و نزانن چ ب وان هاتیە، د نها دا ژبەر بەردەوام گەڕیانا بالەفڕان بسەر دەڤەرێ نکارن دەربکەڤن".

موختارێ دینارتە ئەو یەک ژی دازانین، ئەو شەش وەلاتیە خەلکێ گوندێ کافیانە ل سنورێ وێ ناحیەیێ، وان ئالیێن پەیوەندیدار و هێزێن ئەولەهیێ ئاگەهدارکرینە، هەیاکو ب هەڤبەندی دگەل ئارتێشا تورکیا ل هەرێمێ بچن وان وەلاتیان ڕزگار بکەن.

ئەڤە د دەمەکێ دایە، کو دوهی بالەفرێن شەڕیێن تورکیا هەریەک ژ گوندێن سرانێ و بابۆل و کافیا ل سنورێ ناحیا دینارتە یا  گرێدای قەزایا ئاکرێ بۆمبەباران کرن.

س.م