سەرنووچە:

سەرۆکێ هەرێما کوردستانێ پێشوازی ل شاندەکا ئەلمانی کر

فۆتۆ: 
2020-01-27

185 جار خوێندراوەتەوە

ئەڤرۆ سەرۆکێ هەرێما کوردستانێ پێشوازی ل شاندەکا ئەلمانی کر و لهەمبەری بڕیارا وی وەلاتی بۆ دەستپێکرنا مەشق و ڕاهێنانان ب هێزین پێشمەرگەی و هەروەسا لهەمبەری مانا هێزێن هەڤپەیمانیا ناڤدەولەتیا دژی داعشێ سوپاسیا ئەلمانیا و هەڤپەیمانان کر و مانا وان ژی ب گرنگ زانی.

ئەڤرۆ دوشەمبێ، ٢٧ێ چلەیا٢٠٢٠ێ، نێچرڤان بارزانی سەرۆکێ هەرێمێ پێشوازی ل یۆرگن هارت و مارکۆس گڕۆبل، پەڕلەمانتارێن ئەلمانیا ل پارتا دیموکراتا مەسیحی( CDU) کر.

د دیدارێ دا پەڕلەمانتارێن ئەلمانیا سوپاسیا حکومەت و گەلێ کوردستانێ کر، لهەمبەری ڤەحەواندنا ئاوارە و پەنابەران ب تایبەت پێکهاتەیێن کریستیانان، تەکەز کرن ژی، دێ هەموو بزاڤان کەن وەک بەریا نها ئەلمانیا د هاریکاریکرنا حکومەت و گەلێ کوردستانێ بەردەوام بیت.

پرسا پەیوەندیێن هەرێما کوردستانێ  و عێراقێ، ڕەوشا عێراقێ و سوریا و دەڤەرێ ب گشتی، مەترسیا تیرۆرێ و پێدڤیا عێراقێ ب مانا هێزێن هەڤپەیمانیا ناڤدەولەتی دژی تیرۆرێ، چەند تەوەرێن دیێن دیدارێ بوون.