سەرنووچە:

ئەو خارن و ڤەخارنێن هێدی هێدی مرۆڤی دکوژن

فۆتۆ: 
2020-01-27

640 جار خوێندراوەتەوە

هندەک ژ خوارنێن ژیانا ڕۆژانە چ ژبەر شاش هەلگرتنێ یان بەرهەڤکرنا وان بیت، سەدەمن بۆ مرنەکا لسەر خۆ، هەرچەند تامەکا خۆش هەنە، لێ زەرەرێن وان زێدەترن.

ڕووپەلا نیوتریشن ئێکسبلایندیا ئەمریکی د بابەتەکێ دا بەحسا هەژمارەک خوارنان کریە کو زێدەگاڤیکرن د خوارن و شاش بەرهەڤکرنا وان دا سەدەمن بۆ قەلەوی و بلندبوونا گڤاشتنێن خوینێ و کۆلیسترۆل و نەخۆشیێن دلی و زەهایمەرێ، هەیا پڕانیا جاران سەدەمن بۆ تووشبوون ب پەنجەشێرێ، ژ وانی ژی:

* بەرهەفکرنا گەنمووکان ب فڕنێ "مایکرۆوەیڤ".

ئەو کیسێ کو گەنمووکان دکەنە ناڤ دا و دەما دئێخنە ناڤ ئامێریەی دا کارلێکا کیمیایی ڕوو ددەت و زەرەرێ دگەهینیتە ساخلەمیێ، ژبەر ڤێ یەکێ نۆژدار دبێژن، گەنمووکان ب زەیتێ زەیتوون و تامێن ڕووەکان بەرهەڤ بکەن.

* ڤەخوارنێن گازیی

گەلەک شەکر و سۆدە د ناڤ دا هەنە، زەرەرێ دگەهینیتە ساخلەمیێ، ب تایبەت ئەگەر گەلەک بهێتە ڤەخوارن.

* گوشتێ دەستچێکری و هەلگرتی

ئەو گوشتێن کو هاتینە دەستکاریکرن و د قودیان دا دهێنە هەلگرتن، زەرەرێ ب لەشی دگەهینن.

* ڕوونێن ڕووەکان کو دەستکاری تێدا دهێتەکرن

سەدەمن بۆ توشبوون ب نەخۆشییێن دل و زڤڕۆکا خوینێ و قەلەوی و پەنجەشێرێ و زەهایمەرێ.

* پتاتێن سورکری (قەلاندی)

د پلەیەکا گەرما بلندا دهێتە بەرهەڤکرن و خوێ و ڕوونێ زۆر تێدانە، ب ڤێ چەندێ ژی مادەیەکێ پەیدادکەت بناڤێ "ئەکریلامید" کو مەترسیا توشبوون ب پەنجەشێران قۆلۆن و مەمک و پرۆستاتان زێدە دکەت.

* خوارنێن بلەز

دەولەمەندن ب ڕوون و شەکر و خوێ، مەترسیێن توشبوون ب پەنجەشێرێ و شەکرێ زێدە دکەت.

س.م