سەرنووچە:

بەغدا.. هێزێن ئەولەهیێ هێرشی سەر گۆرەپانا تەحریر کرن

 بۆ بەلاڤەپێکرنا خۆنیشاندەران
فۆتۆ: 
2020-01-25

280 جار خوێندراوەتەوە

نووچەگەهانێ دیجیتال میدیایا ئێن ئاڕ تتی ل بەغدا ڕاگەهاند، بۆ بەلاڤەپێکرنا وان هێزێن ئەولەهیێ هێرشی سەر خۆنیشاندەران کرن ل گۆرەپانا تەحریر.

ئۆمێد محەمەد، نووچەگەهانێ ئێن ئاڕ تی ل بەغدادێ راگەهاند، هێزێن ئەولەهیێ ب گازا رۆندکڕێژ هێرشی سەر خۆنیشاندەران کرن و ب وێ سەدەمێ ژی هەتا نها ٢٠ خۆنیشاندەر برینداربوونە.

گۆت ژی، ژ هەموو ئالیان ڤە گۆڕەپانا تەحریر هاتیە دورپێچ کرن و خیڤەتێن خۆنیشاندەران دهێن شەوتاندن و بەشەکا زێدە یا خیڤەتێن گۆرەپانا خەلانی ژی هاتنە شەوتاندن.

ئەو یەک ژی دازانین، لێژنەیا هەڤبەندیا خۆنیشاندەران بەحسا وێ چەندێ دکەن، هەیا کو تەڤاهیا داخازیێن وان نەهێن جیبجیکرن دێ هەر ل گۆرەپانان دا بمینن و بەشەک ژ خۆنیشاندەران ژی تایرەیان دشەوتینن داکو رێکێ ژ پێشداچوونا هێزین ئەولەهیێ بگرن.

بەحسا وێ یەکێ ژی کر، ژ دوهی شەڤێ ڤە هێزێن ئەولەهیێ هێرش لسەر گۆڕەپانا تەحریر دەست پێکرینە و د نها دا ژی خۆنیشاندەر دخوازن مەرتالێن زندی دورست بکەن داکو ڕێ ژ هێزێن ئەولەهیێ بگرن ژ دەربازبوونێ بۆ ناڤ گۆرەپانا خەلانی.

ئاماژە کر ژی، پەیڤدارێ ئۆپوڕاسیونێن هەڤبەش راگەهاندیە راکرنا خیڤەتان ب هەڤبەندی دگەل خۆنیشادەران دا دبیت.

س.م