سەرنووچە:

نێچیرڤان بارزانی: ئەوا ل عێراقێ رووددەت باندوڕا خۆ لسەر هەرێمێ هەیە

فۆتۆ: 
2020-01-23

251 جار خوێندراوەتەوە

سەرۆکێ هەرێما کوردستانێ د دەما کۆڕبەندا ئابوری یا داڤۆسێ دا راگەهاند، " نکارین خۆ جوودابکەین ژ وێ یا هەیا نها ل عێراقێ رووددەت، ئەم ژی بەشەکین ژ وی وەلاتی"، د بێژیت ژی، " ئەوا ل عێراقێ رووددەت باندوڕا خۆ لسەر ڕەوشا هەرێمێ ژی هەیە ".

نێچیرڤان بارزانی سەرۆکێ ھەرێما کوردستانێ د دەما پشکدارییا خۆ دا ل پانێلا كۆربه‌ندا ئابوورییا داڤۆسێ دا دەربارێ رەوشا عێراقێ، راگەھاند،"نھا نەوەیەکێ نوو ھاتییە کو ماندی یە و ھەست دکەت دەستھەلات نه‌شێت پێدڤێن ڤی سەردەمی ژ وان رە دابین بکەت".

بەحسا وێ یەکێ ژی کر، كو رەوشا عێراقێ جودایە ژ قۆناغا بەری دەستپێکرنا خوەنیشاندانان ل ئێكێ ئۆکتۆبەرێ، نھا رەوشەک دی یە و ئێدی رەوش ناڤەگەریته‌ قۆناغا بەرێ.

هه‌روەسا گۆت، ئەرکێ ھێزێن ئەمەریکایێ راھینانە ب ھێزێن عێراقی و ھەڤکاریکرنە د شەرێ دژی داعشێ دا و ژ ئەڤی چارچووڤه‌ی، مە ھەبوونا وان پێ باشە و ب پێدڤی دزانین ھێزێن ئەمەریکایێ ل عێراقێ بمینن و ئەوا پەرلەمانا عێراقێ کری، ب نەرینا مە کارەکێ نەدورست بوو.