سەرنووچە:

سەقاناسیێ سارترین دەڤەرێن هەرێمێ ئاشکراکر

فۆتۆ: 
2020-01-23

506 جار خوێندراوەتەوە

ڕێڤەبەریا گشتییا سەقاناسی و عەردهەژا هەرێما کوردستانێ بەلاڤکر، ئەڤرۆ دەڤەرا حاجی ئۆمەران و کانى ماسێ و ئامێدی و مانگێشکێ و چومان سارترین دەڤەرێن هەرێمێ نە.

سەقاناسیێ بەلاڤکر، ئەڤرۆ چارشەمبیێ ٢٣ێ چلەیا ٢٠٢٠ێ، ل دەڤەرا حاجی ئۆمەران بلندترین پلەیا گەرمێ یەک پلەیە و نزمترین پلە ژى ٧ پلە د بن سفرێ دابوویە.

پشتى حاجی ئۆمەران هەر یەک ژ باژارۆکێن کانى ماسێ و ئامێدی و مانگێشکێ و چومان سارترین دەڤەرێن هەرێمێ هاتینە دیارکرن.

ئەڤرۆ سەقاناسیا هەرێمێ د راگەهاندنەکێ دا دایەزانین، بارستەیا هەوایەکێ سار یا سیبیری بەرەڤ هەرێما کوردستانێ هاتیە و و ل دەستپێکا رۆژا ئەینى باران دێ ل هەمی دەڤەرێن هەرێمێ باریت و دیفدا دێ باندوریا وێ بارستا سار پێلەکا بەفرێ ل سەنتەرێ پارێزگەهێن دهۆک و سلێمانیێ و هەلەبچە ڤەگریت.

سەقاناسیێ دیار ژى کر، پیشبینیا وێ یەکی ژى دهێتە کرن کو پێلەکا بەفر بارینێ ل رۆژا شەمبی دا بەردەوام بیت و مەودایێ دیتنی دی کیمتر بیت ژ یەک کیلۆمەترێ.

No photo description available.

No photo description available.