سەرنووچە:

دهۆک.. بسەدەما کەفتنا بلۆکان کەسەکێ ژیانا خۆ ژ دەست دا

فۆتۆ: 
2020-01-23

524 جار خوێندراوەتەوە

دیجیتال میدیایا ئێن ئاڕ تى، دهۆک، تائیف گوران

ئەڤرۆ پینج شەمبێ ٢٣ێ چلەیا ٢٠٢٠ێ ل شوقەیێن رۆژستى ل دهۆکێ د دەما کارکرنێ دا کەسەکێ ژیانا خۆ ژ دەست دا و کەسەکێ دی ژى برینداربوویە.

هێمن سلێمان بەرپرسێ راگەهاندنا پۆلیسێن دهۆکێ بۆ دیجیتال میدیایا ئێن ئار تى راگەهاند، ئەڤرۆ پینج شەمبێ ٢٣ێ چلەیا ٢٠٢٠ێ ل شوقەیێن رۆژستى ل سەنتەرێ باژارێ دهۆکێ د دەما کارکرنێ دا ژ بلنداهیی بلۆک بسەر دوو کارکەران دا هات و ب وێ سەدەمێ کەسەکێ ژیانا خۆ ژ دەست دا و کەسەکێ دی ژى برینداربوو.

دازانین ژى، ئەو کارکەرێ ژیانا خۆ ژ دەست دای خەلکێ رۆژهەلاتا کوردستانێ یە و بۆ نوژداریا داد هاتە ڤەگوهاستن و کارکەرێ بریندار ژى بۆ نەخوشخانەیا تەنگاڤیان هاتە هنارتن بۆ وەرگرتنا چارەسەریێ.

بەرپرسێ راگەهاندنا پۆلیسێن دهۆکێ گوت ژى، لاپەرەیێن ڤەکولینێ بۆ هاتینە ڤەکر و دێ بەردەوام بیت.

ئەڤە ژى د دەمەکێ دایە کو رۆژا سێشەمبی ١٢ێ مژدارا ٢٠١٩ێ ل گوندێ فرەنسی ل سەرنتەری پارێزگەها دهۆکێ وەلاتیەکێ ٣٥ سالی کو خەلکێ باکورێ کوردستانێ بوو د قاتێ ٧ێ یێ ئاڤاهیەکێ دا دکەڤیت و ژیانا خۆ ژدەست دا.