سەرنووچە:

حکومەتا نوو یا لوبنانێ هاتە ڕاگەهاندن

ب سەرۆکایەتیا حەسەن دیاب
فۆتۆ: 
2020-01-22

219 جار خوێندراوەتەوە

حکومەتا  نوو یا لوبنانێ ب سەرۆکایەتیا حەسەن دیاب هاتە ڕاگەهاندن.

ئاژانسا  نووچەیا ڕۆیتەرز بەلاڤکریە، پشتی چەندین مەهان ژ نەڕازیبوونێ و خۆنیشاندانان ل وی وەلاتی، وەلاتێ لوبنانێ هەڤپەیمانەتیەکا نوو بۆ درۆستکرنا حکومەتەکا نوو ڕاگەهاند و تێدا، حەسەن دیاب، وەزیرێ بەرێ یێ پەروەردا وی وەلاتی وەک سەرۆکوەزیران هاتە دیارکرن.

ڕۆیتەرزێ ئاماژە ب وێ یەکێ ژی کریە، کابینەیا نوو یا حکومەتا لوبنانێ ژ ٢٠ وەزیران پێکدهێت، کو ژ ئالیێ حزبولای دهێتە پشتەڤانی کرن.

ئەڤەژی د دەمەکێ دایە، کو د مەها جۆتمەها سالا دەربازبووی دا خۆنیشاندان و نەڕازیبوون لهەمبەری خرابیا ڕەوشا ژیان و ژیارا وی وەلاتی ڤەگرت و ب وێ سەدەمێ ژی سەعد حەریری، سەرۆکوەزیرانێ بەرێ یێ وی وەلاتی دەست ژکارکێشا.