سەرنووچە:

نووترین زانیاری دەربارێ زەرەرێن ئاگر کەفتنا بازارێ دوبەی ل دهۆکێ

٢٦ دۆکان شەوتینە
فۆتۆ: 
2020-01-21

557 جار خوێندراوەتەوە

نووچەگەهانێ دیجیتال میدیایا ئێن ئار تی ، دهۆک، بریار نێرۆەی

شەڤا داربازبوویی ئاگر ب بازارێ دوبەی ل دهۆکێ کەفت و ب وێ سەدەمی ٢٦ دۆکان شەوتینە، لێ زەرەرێن جانی نەبوون.

عەمید عەبدلحەکیم رێڤەبەرێ بەرەڤانیا باژارێ دهۆکێ بۆ ئێن ئار تی راگەهاند، د شەڤا داربازبوویی دا ب سەدەما شۆرتەکا کارەبێ ئاگر ب بازارێ دهوکێ کەفتیە و ب وێ ئەگەرێ ٢٦ دۆکان شەوتینە، لێ چ زەرەرێن جانی نەبوون و گوت ژی لیژنەیەک بۆ تەخمینکرنا زەرەران هاتیە پێکئینان.

ئەو یەک ژی دا دیارکرن، سەدەما ئاگر کەفتنێ ژبەر نەهۆشیاریا دوکانداران ڤەگەراند کو د شەڤ دا ئامیرێن کارەبایێ یێن دۆکانێن خۆ ب هەلکری دهێلن.

دا زانین ژی، کو تیمێن وان یێن ئاگر ڤەمراندنێ ل جهێ بوویەرێ ئامادەبوون و د دەما دەمژمێرەکی دا کارین ئاگری کۆنترول بکەن.

ئەڤە د دەمەکێ دایە، شەڤا داربازبوویی ئاگر ب بازارێ دوبەی ل دهوکێ کەفت و چەندین دوکانێن پەروکان شەوتین.