سەرنووچە:

سویسرا.. کوربەندێ ئابوری یێ داڤوسێ برێڤەدچیت

فۆتۆ: 
2020-01-21

228 جار خوێندراوەتەوە

کوربەندێ ئابوری یێ داڤوس ب پشکداریا چەندین سەرکردە و سەرمایەدار و هونەرمەند ل باژارێ داڤۆس ل سویسرا بۆ جارا پێنجیێ برێڤەدچیت، سەروکێ هەرێما کوردستانێ پشکداریێ تێدا دکەت.

ئەڤرۆ سێشەمبێ ٢١ چلەیا ٢٠٢٠ بو جارا پێنجیێ کوربەندا داڤوسێ ل سویسرا ب ناڤونیشانێ ژ بو جیهانەکا هەڤگرتی و گەشەکرنا بەردەوام برێڤە دچێت، هەر د گوپیتکا گۆتۆبێژان دا دێ دەربارەی چەند مژارێن سیاسی و ئابوری و جڤاکی هێتەکرن و بۆ دەما چار رۆژان دێ بەردەوام بیت.

هەر د کوربەندی دا دێ بەحسا شەوتینا پشکەکا دارستانێن ئەمازۆن و ئوستورالیا و گوهەرینا سەقایی و باندورا وێ لسەر ئەردی و هەڤرکی و ئالوزیێن د ناڤبەرا ئەمریکا و ئیرانێ هێتەکرن.

هەڤدەم د کوربەندێ داڤۆس دا نێزیکی سێ هزار کەسان ژ  سەرکردێن ولاتان و هونەرمەند و ئابوریناس و سەرمایەدار دێ پشکداربن، کو سێ پشکێنوێ هەژمارێ سەرمایەدارێن جیهانێ نە، د ناڤ وان دا ژی نێچیرڤان بارزانی سەرۆکێ هەرێما کوردستانێ، دێ پشکدار بیت و بەحسا چاوانیا ئارامکرنا رەوشا ئالوزیێن رۆژهەلاتا ناڤین کەت.