سەرنووچە:

زاخۆ.. تەرمێ دوو کەسان د تڕۆمبێلەکێ دا هاتنە دیتن

ب کوشتی
فۆتۆ: 
2020-01-19

2528 جار خوێندراوەتەوە

دیجیتال میدیایا ئێن ئاڕ تی، زاخۆ، ئەحمەد زاخۆلی، بێوار حلمی

ل نێزیک گۆمرکا زاخۆ تەرمێ دوو برایێن یەک ب کوشتی د تڕۆمبێلەکا تەکسی دا هاتنە دیتن.

هێمن سلێمان پەیڤدارێ پۆلیسێن دهۆکێ بۆ دیجیتال میدیایا ئێن ئاڕ تی ڕاگەهاند، بەریا دەمەکێ تەڕمێ دوو کەس ب کوشتی د تڕۆمبێلەکا تەکسی دا ل نێزیک گۆمرکا زاخۆ ل تاخێ تلکەبەرێ هاتنە دیتن.

دیارکر ژی، ئەو دوو کەسە برایێت یەکن و تەمەنێ وان د ناڤبەرا ٣٥ بۆ ٤٠ سالیێ دایە، د نها دا تیمێن وان یێن پۆلیسان گەهشتینە جهێ بوویەرێ و دەست ب ڤەکۆلینان کرینە.

بەحسا وێ یەکێ ژی کر، ئەو دوو برایە ئاکنجیێن زاخۆنە و هەیا نها چ کەسەک لسەر بوویەرێ نەهاتیە دەستەسەرکرن و دیڤداچوون بەردەوامن.

هەڤدەم ئەمیر عەلی بەرپرسێ ساخلەمیا زاخۆ بۆ دیجیتال میدیایا ئێن ئاڕ تی دازانین، تیمێن ساخلەمیێ و ئەمبۆلانس ژی بۆ جهێ بوویەرێ شاندنە، ئەو تەڕمە بۆ نەخۆشخانەیێ ڤەگوهاستنە.

ئەو یەک ژی دیارکر، کو ئەو دوو برایە ب گولەیان هاتینە کوشتن و گولە بەر سەرێ وان کەفتینە.

ئەڤە ژی دەمەکێ دایە، تنێ د سێ ڕۆژان دا ل سنورێ پارێزگەها دهۆکێ ٧ کەس د حالەتێن جۆدا جۆدا هاتینە کوشتن، شەش ژ وان ل قەزا زاخۆ بوونە.

س.م