سەرنووچە:

عێراق.. دوو خۆنیشاندەر هاتنە کوشتن

نێزیکی ٢٠ کەسێن دی ژی برینداربوون
فۆتۆ: 
2020-01-19

153 جار خوێندراوەتەوە

بسەدەما ئالۆزی و پەڤچوونێن ناڤبەرا خۆنیشاندەر و هێزێن ئەولەهیێ دا دوو خۆنیشاندەر هاتنە کوشتن و نێزیکی ٢٠ کەسێن دی ژی برینداربوون.

ئومێد محەمەد نووچەگەهانێ دیجیتال میدیایا ئێن ئاڕ تی ل بەغدا ڕاگەهاند، ئەڤرۆ ل باژاڕی بەغدا خۆنیشاندەران ڕێیا چوون بۆ گۆڕەپانا تەیەران و  بەشەک ژ ڕێیێن سەرەکیێن دی داخستن و تایرە لسەر جادەیان شەوتاندن.

دازانین ژی، خۆنیشاندەر گەفا بەرفرەهترکرنا سنورێ خۆنیشاندانان دکەن، ئەڤ ئالۆزیێن ڤێ داویێ ژی پشتی بانگهێشتا خۆنیشاندانا ملیۆنی هاتن.

هەڤدەم خۆنیشاندەران ل باژاڕێ کەربەلا نڤیسینگەها پەرلەمانێ عێراقێ و چەند فەرمانگەهێن دی یێن حکومی داخستن، لسەر مانشێتێن خۆ نڤیسابوون "ب بڕیارا گەل هاتنە داخستن".

ژ ئالیەکێ دی ڤە، بەرپرسێن ئیداریێن باژاڕێ دیوانیە بڕیاردان ژ سوبەهی ڤە دەواما تەڤاهیا فەرمانگەهان بهێتە ڕاگرتن و بکەنە بێهنڤەدان.

زێدەتری دوو مەهانە خۆنیشاندان و نەڕازیبوون ل عێراقێ دەستپێکرینە و زێدەباری دەست ژکارکێشانا عادل عەبدولمەهدی سەرۆک وەزیرێ عێراقێ، لێ هەیا نها بەردەوامن و ب سەدەما ئالۆزیان ژی هەیا نها ب سەدان کەس هاتنە کوشتن و ب هزاران ژی برینداربوونە.

س.م