سەرنووچە:

سەرۆکاتیا هەرێمێ: نێچیرڤان بارزانی و دۆنالد ترەمپ دێ بجڤن

فۆتۆ: 
2020-01-19

253 جار خوێندراوەتەوە

لگۆر راگەهاندنەکا سەرۆکاتیا هەرێمێ ، د دەما برێڤەچوونا کۆربەندا ئابوریا داڤۆس دا هەریەک ژ نێچیرڤان بارزانی و دۆنالد ترەمپ دێ بجڤن.

سەرۆکاتیا هەرێمێ راگەهاندنەک بەلاڤکر و تێدا هاتیە، " نێچیرڤان بارزانی سه‌رۆكێ هه‌رێما كوردستانێ ب داخوازەکا فەرمى دێ بەشداریێ د کۆربەندا ئابوریا جیهانى یا داڤۆس دا کەت و تێدا دگەل بەرێز دۆنالد ترەمپ سه‌رۆكێ ئه‌مه‌ريكا و ئه‌نتۆنيۆ گۆتێرێز سكرتێرێ گشتى یێ نه‌ته‌وهیێن هەڤگرتى و هەژمارەکا سەرکردا و وەزیران و بەرپرسێن بلند یێن ولاتان بجڤیت".

ئاماژە ب وێ یەکێ ژى کریە، " د جڤینێ دا دێ پێشخستنا پەیوەندیێن هه‌رێما كوردستان دگەل جڤاکا ناڤدەولەتى و سياسه‌ت و هه‌لوێستێ هه‌رێمێ و لهەڤگۆهەرتنا مژارێن هەرێمى و جیهانى دێ گۆتوبێژ کەت".

بەحسا وێ یەکێ ژى کرنە، " هەر د دەما بەشداریکرنێ دا نێچيرڤان بارزانی دێ د روونشتنەکا داڤۆس دا ب ناڤونیشانێن " رۆژهەلاتا ناڤەراستا نەئارام" ئاخڤیت".

ئەڤە ژى د دەمەکێ دایە، کۆربەندا ئابوریا داڤۆس دیدارەکا سالانە د بیاڤێ ئابوریێ دا کو د ناڤبەرا سەرکردەیێن جیهانێ ، رێڤەبەرێن کۆمپانیا و خودان بزنزان و خەلکێن ئەکادمی و رێکخراوێن جڤاکا سڤیل دا ل سویسرا برێڤەچیت.