سەرنووچە:

مەحمود سەنگاوی: ئاسایشێن پارتی چ کێمتر نینە ژ تیرۆرستێن داعشێ

لسەر ژیان ژ دەستدانا پێشمەرگەهەکێ وان
فۆتۆ: 
2020-01-19

1358 جار خوێندراوەتەوە

مەحمود سەنگاوی ئەندامێ مەکتەبا سیاسی یا یەکێتی ڕاگەهاند، ئاسایشێن پارتی چ کێمتر نینە ژ تیرۆرستێن داعشێ.

وی ئەندامێ سەرکردایەتیا یەکێتی لسەر دۆسیا کوشتنا ژیان ژ دەست دانا پێشمەرگەهەکێ یەکێتی ل ئاسایشا هەولێرێ دیارکر،" وان ئاسایشێن کو دەست د کوشتنا وی پێشمەرگەی دا هەبوونە، چ کێمتر نینە ژ داعشێ، ژبەر کو داعشێ ژی هەڤئاوایێن وان هەڤالێن مە سەر ژێ دکرن".

ناڤبری بەحسا وێ یەکێ ژی کر،ئەڤە یەکەمجار نینە، پارتی چەندین جاران ب زەبر و هێزێ و گڤاشتن و چاڤسۆرکرنێ گڤاشتن ئێخستنە سەر هەڤال و کادرێن مە و دبێژیتن ژی،" ئەوا پارتی دکەت سیاسەتا بەعسییانە".

مەحمود سەنگاوی داخوازێ ژ ئەندامێن حزبا خۆ د حکومەتێ دا دکەت و پێ ڕادگەهینت،" د حکومەتا تیرۆرستی دا ڤەکشێن".

مەحمود سەنگاوی داخوازێ ژ جڤاتا بلندا پاراستن و بەرژەوەندیێن یەکێتی و سەرکردایەتیا حزبا خوە دکەت، هەلویستێێ وەرگرن.

ئەڤەژی پشتی وێ یەکێ هات، ئاسایشا هەولێرێ پێشمەرگەهەکێ یەکێتی ب ناڤێ، مەجید برایم عەبدولا، دەستەسەرکر و دیڤدا ب خەندقی تەرمی وی ڕادەستی مالباتا وی کر و ڕاگەهاند، وی ب خۆە، خۆ خەندقاندیە.

دیڤدا ئاسایشا هەولێرێ د ڕاگەهاندنەکێ دا ئاماژە ب وێ یەکێ کر، " پشتی دەستبسەرداگرتنا ٦٠ کیلۆگرامێن ماددەیێن هۆشبەر و وەرگرتنا زانیاریان لسەر وێ یەکێ، دەرکەفیتە کو ئەو ماددەیێ هۆشبەر یێ وەلاتی (مەجید برایم عەبدولا) بوویە.

ئاسایشا هەولێرێ بەحسا وێ یەکێ ژی کریە،" ڕەزامەندیا دادوەری هاتیە وەرگرتن بۆ دەستەسەکرن و پشکنینا مالا ناڤبری ل گوندێ سیساوە یا سەر ب باژاڕۆکێ هەریرێ و پشتی دەستەسەرکرنا وی، د گرتیگەهێ دا خوە خەندقاندیە".

س.ع