سەرنووچە:

شێخان.. د بوویەرەکا هاتن و چوونێ دا دوو کەسان ژیانا خۆ ژ دەستدان

فۆتۆ: 
2020-01-17

1397 جار خوێندراوەتەوە

بسەدەما بوویەرەکا هاتن و چوونێ ل سنورێ قەزا شێخان دوو کەسان ژیانا خۆ ژ دەستدان و دوو کەسێن دی ژی برینداربوون.

تائیف گۆران نووچەگەهانێ دیجیتال میدیایا ئێن ئاڕ تی ڕاگەهاند، ئێڤاریا ئەڤرۆ ئەینیێ لسەر ڕێیا سەرەکی یا ناڤبەرا بەدریک بۆ قەزا شێخان، بوویەرەکا هاتن و چوونێ ڕوودا و د ئەنجامێ دا دوو کەسان ژیانا خۆ ژ دەستدان و دوو کەسێن دی ژی ب گرانی برینداربوون.

دیارکر ژی، دوو بریندار بۆ نەخۆشخانەیا تەنگاڤیان یا دهۆکێ هاتینە ڤەگوهاستن، هەر چار قوربانی ژی ئەندامێن یەک خێزانن و خەلکێ ناحیەیا دارەتوو یا سەر ب قەزا بەردەڕەشن.

دەربارەی جۆرێ بوویەرێ نووچەگەهانێ دیجیتال میدیایا ئێن ئاڕ تی دازانین، بوویەر ژ جۆرێ لێکدان د ناڤبەرا دوو تڕۆمبێلان ژ جۆرێن بارهەلگر و شۆفرلێت ئۆپترا تایبەت دا بوویە.

بوویەرێن هاتن و چوونێ ب یەکەم سەدەما جان ژ دەستدانا وەلاتیان د هەرێما کوردستانێ دا دهێتە دانان، لگۆری ئامارێن ڕێڤەبەریا هاتن و چوونا دهۆکێ ژی، د شەش سالێن دەربازبوویی دا ل سنورێ وێ پارێزگەهێ ٧ هزار و ٨٤ بوویەرێن هاتنوچوونێ ڕوودانە، د ئەنجامێ دا هزار و ٨٤ کەسان جانێ خۆ ژ دەستدانە و ٣٨ هزار و ٢١٩ کەسێن دی ژی برینداربوونە.

س.م