سەرنووچە:

نێچیرڤان بارزانى: دەرکرنا هێزێن ئەمریکایێ بریارەکا باش نەبوو

فۆتۆ: 
2020-01-17

204 جار خوێندراوەتەوە

نێچیرڤان بارزانى سەرۆکێ هەرێما کوردستانی راگەهاند، بریارا پەرلەمانێ عێراقێ دەربارەى دەرکرنا هێزێن ئەمریکا بریارەکا باش نەبوو، بەلکی بریارەکا خراب بوو.

نێچیرڤان بارزانى د هەڤدیتنەکێ دا دگەل مالپەرێ ئەلمەنیتەر راگەهاند، ئەو بریارەکا باش نەبوو و خراب بوو و بتنێ ژ ئالیێ شیعەیان ڤەبوو، بێ کو گۆتۆبیژ دگەل ئالیێن دی یێن سەرەکی بهێتە کرن، وەکی کورد و سونەیان، ئەڤە ژی پێنگاڤەک بوو بۆ هەتاهەتا، بێ ڤەگەریان بۆ کودەنگیا کو د دەستوری دا هاتیە ئەڤە ژى بۆ نها و داهاتیێ عێراقێ باش نابیت.

دازانین ژى، د بەرژەوەندیا هەرێما کوردستانێ دایە کو هێزێن ئەمریکا بمینن، هەر چەند د بەرژەوەندیا عیراقێ دا ژى بیت دێ گونجینین کو بمینن.

هەروەسا نێچیرڤان بارزانى راگەهاند ژى، هێرشێن مووشەکی یێن ئیرانێ پەیامەکا زەلال بوون بۆ وان هەمى ئالیان کو ئیرانێ ئیرادا هەی و هەر جهەکێ بخوازیت ل عێراقێ بکەتە ئارمانج.

ئەڤە ژى د دەمەکی دایە کو د دەستپێکا سالا نوو ٢٠٢٠ دا بۆ تولا کوشتنا قاسم سولەیمانی، ئارتێشا پاسدارێن ئیرانێ ١٧ مووشەک ئاراستەی بنگەهێن لەشکەریێن ئەمریکا کرن ل عێراق و هەرێمێ، کو بنگەهێ عەین ئەسەد یەک بۆ ژ وان بنگەهان. لێ زیانێن جانى نەبوونە.