سەرنووچە:

دهۆک.. د بوویەرەکا هاتنوچوونێ دا سێ کەس برینداربوون

زەرەرێن گیانی نەبووینە
فۆتۆ: 
2019-12-14

414 جار خوێندراوەتەوە

دجیتال میدیایا ئێن ئاڕ تی، دهۆک، بێوار حلمی

د بوویەرەکا هاتنوچونێ دا ل هیتیتێ یا باژاڕێ دهۆکێ سێ کەس برینداربوون.

 ئازاد تاها پەيڤدارێ هاتنوچوونا دهۆکێ بۆ دیجیتال میدیایا ئێن ئاڕ تی ڕاگەهاند، ل دەمژمێر٤ێ ئێڤارا ئەڤرۆ (١٤ کانونا ٢٠١٩ێ) د بوویەرەکا هاتنوچونێ دا ل ئۆڤەرپاسا هیتیتێ یا باژاڕێ دهۆکێ سێ کەس برینداربوون.

هەڤدەم نووچەگەهانێ دیجیتال میدیایا ئێن ئاڕ تی دیارکر ژی، بوویەر ژ جۆرێ لێکدانێ د ناڤبەرا سێ ترۆمبێلان بوویە و بریندار ژی بۆ نەخۆشخانەیا تەنگاڤیان یا دهۆکێ هاتنە ڤەگوهاستن و زەرەرێن زێدەیێن ماددی ژی بەر ترۆمبێلان کەفتنە.

ئەڤە ژی د دەمەکێ دایە، کو شەڤا دەربازبووی ژی د دووبوویەرێن جودایێن هاتنوچوونێ دا لسەر ڕێیا دهۆک بۆ باعەدرێ، ١٣ کەس برینداربوون.

لگۆری ئامارێن هاتنوچوونا دهۆکێ د حەفت مەهێن دەستپێکا ئەڤ سالە دا ل سنورێ پارێزگەها دهۆکێ ٥٩٤ بوویەرێن هاتنووچوونێ ڕوودانە، ب وێ سەدەمێ ژی ٥٦ کەسان جانێ خۆ ژ دەستدانە و ٦٠٨ کەس ژی برینداربوونە.

س.ع