سەرنووچە:

هوورکاریێن نوو لسەر پڕۆسەیا دەستەسەرکرنا سەدام حسێن هاتنە ئاشکراکرن

د سالڤەگەرا دەستەسەرکرنا وی دا
فۆتۆ: 
2019-12-13

5639 جار خوێندراوەتەوە

د سالڤەگەرا دەستەسەرکرنا سەدام حسێن دا چەند هوورکاریێن نوو لسەر پرۆسەیا دەستەسەرکرنا وی ژ ئالیێ چەند شاهدحالان ڤە هاتنە ئاشکراکرن.

چەند سەرکردەیێن عەرەب د دیرۆکێ دا هاتنە دارڤەکرن و ب ملیۆنان کەسان ژی وێنە و ڤیدیۆیێن دەما بدارڤەکرنا وان سەرکردەیان دیتنە، یەک ژ وان سەرکردان ژی سەدام حسێن بوو کو ٢٤ سالان حوکمێ عێراقێ کر.

پشتی بوویەرێن  ١١ ئیلۆنێ، ئەمریکا بڕیار دا هێرشی سەر عێراقێ بکەت و د ٢٠ ێ ئادارا ٢٠٠٣ێ دا هێرشێن خۆ بۆ سەر عێراقێ دەستپێکرن و دبن ناڤێ (پرۆسەیا ئازادکرنا عێراقێ) زێدەتری مەهەکی بەردەوام بوو، د وی شەڕی دا ژی ئەمریکا تنێ نەبوو بەلکو ب هاڤپەیمانی دگەل هەر ئێک ژ بەریتانیا، ئوسترالیا، پۆڵەندا و ب دیارکری ژی د ١ێ گۆلانێ دا شەر ب داوی هات و ئەمریکا د بزاڤا گرتنا سەدام حسێن سەرۆکێ وی دەمێ یێ عێراقێ دا بوو.

د ١٣ێ کانونا ساڵا ٢٠٠٣ێ دا سەدام حسێن ل دەڤەرا دۆری یا پارێزگەها سەڵاحەدین هات گرتن کو د وێ پرۆسێ دا نێزیکی هزار لەشکەرێن ئەمریکی بەشداربوون و هەژمارەک ژ وان لەشکەران ژی هوورکاریێن سەر وێ رۆژێ و دەمژمێرێن بەری گرتنێ ڤەدگێڕن.

ئیریک مادۆکس کو بەشداری وێ پرۆسەیێ بوویە بەحسا وێ چەندێ دکەت، هێزێن ئەمریکا محەمەد ئیبراهیم زێرەڤانێ تایبەت یێ سەدام حسێنی گرتن و مڤا ژ زانیاریێن وی وەرگرتنە، زێرەڤانێ تایبەت یێ سەدام بەحسا وێ کریە کو سەدام ل تکریتێ خۆ ڤەشارتیە یان ژی ل دەڤەرێن نێزیکی ڕوبارێ دیجلە و لەسەر نەخشەیێ جهێ خۆ ڤەشارتنا سەدامی ئاشکەرا کریە.

زێرەڤانێ سەدام حسێن سێ جهـ دیار کرینە،  لێ ل جهێ یەکەم و دوویەم چ ب دەست نەکەفتنە ژ بەر وێ بزاڤا وان یا هەری داوی جهێ سێیەم بوویە کو مالەکا کەڤن بوویە د ناڤ زەڤیەکێ دا.

بەشداربوویێن د پرۆسێ دا دبێژن، دەما گەهشتنە وێ زەڤییێ دوو کەس گرتنە کو زێرەڤانێن سەدام بوونە لێ وان چ نەئاخفتنە، جارا هەری داوی دەمژمێر هەشت و ٢٥ خولەک ئەو چالا کو سەدام خۆ تێدا ڤەشارتبوو هاتیە پەیدا کرن و دەما کو سەرێ چالێ رادکەن سەدام ی دەست ب هاوارکرنێ کر و دگوت، تەقەیێ نەکەن و پشتی کو دهێتە دەرڤە ب دەنگێ وی دناسن کو سەدامە، ژبەرکو شێوەیێ وی گەلەک هاتبوو گۆهڕین و ژبەر پرچ و ڕهێن وی.

پشتی ئانینا دەرڤە ژ چالێ دا، سەدام گوتیە ئەز سەدام حسێنم سەرۆکێ عێراقێ و بەرهەڤی گۆتۆبێژانم و یەک ژ لەشکەرێن ئەمریکا ژی د بەرسڤ دا دبێژێ سلاڤێ سەرۆک بۆشی بۆ تە هەنە.

ئەو چاڵا کو سەدام خۆ تێدا ڤەشارتبوو نێزیکی دوو مەتران یا کور بوویە و کو جهێ دوو کەسان  تێدا دکر، هەروەسا پانکەیەک و رۆناهییەک ژی د تێدا بوویە.

پشتی برنا سەدام بۆ زیندانێ و بارەگەها سەرەکی یا ئەمریکیان، نۆژدارەکێ لەشکەری دگەل دا بوویە و دبێژیت، وێ شەڤێ خەوا سەدام نەهاتیە و داخاز کریە فشارا خوینا وی بگریت و پشترا بەرپرسێ وی داخاز لێکریە گۆتۆبێژان دگەل سەدام دا بکەت و تۆمار بکەت، لێ سەدام چ نەگۆتیە.

سەدام حسێن دناڤبەرا سالێن ١٩٧٩ هەیا ٢٠٠٣ سەرۆک کۆمارێ عێراق بوو، پشتی گرتن و دادگەهکرنێ، هات تاوانبارکرن ب ئەنجامدانا تاوانێن دژی مرۆڤایەتی، ل ٣٠ێ کانونا ٢٠٠٦ێ و د تەمەنێ ٦٩ ساڵیێ دا سزایێ بدارڤەکرنێ بسەردا هات سەپاندن.

س.م