سەرنووچە:

شێرکۆ جەودەت: شەڕێ چاکسازیێ ل هەرێمێ ژ شەڕێ تیرۆرێ دژوارترە

فۆتۆ: 
2019-12-13

275 جار خوێندراوەتەوە

سەرۆکێ فراکسیۆنا یەکگرتووی د پەرلەمانێ کوردستان دا ڕاگەهاند، د پرۆژە یاسایا چاکسازیێ دا ئەوا کو تێدا نینە، کێمترین مووچەیێ خانەنشینیێیە کو ٤٠٠هزار دینارە.

شێرکۆ جەودەت د بەرنامەیێ تاوتوێ یا ئێن ئار تى دا راگەهاند، د ناڤەروکا یاسایا چاکسازیێ دا ب دەهان گەندەلیێن حکومەتێ بەرچاڤخستنە ، حکومەتێ ژى دکارى بێ یاسایا چاکسازیێ بخۆ بریارا کۆمەکا چاکسازیان دابوو.

هەروەسا راگەهاند، ئەگەر حکومەتا هەرێما کوردستانێ چاکسازیێ نەکەت ، رەوشا هەرێمێ ئارام نابیت و ب هەمان ئاوایى ژى بەحسا موچەیێ پاشکەفتکریێن فەرمانبەرێن هەرێما کوردستانێ نەهاتیە کرن و لگۆر پرۆژەیێ ژى یەک سیستەما خانەنشینیێ ل هەرێمێ دهێتە پەیرەوکرن.

ئاماژە ژى کریە، پرۆژە یاسایا چاکسازیێ زێدەتر پاکسازییە ، لگۆر ناڤەرۆکا یاسایێ دڤێت حکومەت بهێتە دادگەهکرن ، د رەوشا نها ژى دا کەس نزانیت ٤٠%ێ یا داهاتێ نەفتا هەرێما کوردستانێ چ لێ دهێت ب وەزیرێ دارایى ب خۆ ژى ڤە.

ئەو یەک ژى بەرچاڤکریە، جێبەجێکرنا سەروەریا یاسایێ ل هەرێما کوردستانێ د قەیرانێ دایە و ، ئەگەر حکومەتا هەرێما کوردستانێ چاکسازیێ نەکەت ، رەوشا هەرێمێ ئارام نابیت.

ئەڤە ژى د دەمەکێ دایە، رۆژا چارشەمبیێ جڤاتا وەزیرێن هەرێمی جڤیان و د جڤینێ دا پرۆژە یاسایا چاکسازیێ  ب کۆما دەنگان پەسەندکر و بۆ پەرلەمانێ کوردستانێ هاتە شاندن ب مەرەما خواندنا یەکێ بۆ پرۆژەیێ.