سەرنووچە:

ڤیدیۆ.. شێرەک د ناڤ باخچەیەکێ ئاژەلاندا هێرشی سەر زێڕەڤانەکێ کر و ب دژواری بریندار کر

فۆتۆ: 
2019-12-13

1553 جار خوێندراوەتەوە

زێڕەڤانێ باخچەیەکێ ئاژەلان د دەمێ پێدانا خارنێ ب شێرەکێ دا، د وی دەمی دا شێر هێرشی سەر وی زێڕەڤانی دکەت و ب دژواری بریندار دکەت.

ڕۆژنامەیا پۆلیمەر نیوز یا هندی د نوچەیەکێ دا بەحسا وێ یەکێ کریە، کانۆ پیرادیتایێ زێڕەڤان د باخچەیێ ئاژەلێن کراچی ل باشورێ ڕۆژئاڤایا پاکستانێ، دەمێ کو پارچەکا گوشتی ددەتە شێرەکێ ناڤ قەفەسێ دا، وی دەمی شێر هێرشی سەر وی دکەت و لەقەکێ ژ دەستێ وی ددەت و توند دگریت.

وەک د گرتەیا ڤیدیۆی دا دەردکەڤیت، دەستێ پیرادیتای دەستێ وی بۆ دەمێ ٤٠ چرکەیان د دەڤێ شیری دایە و دیڤدا ب زەحمەت خۆ ڕزگار دکەت و خوینەکا زۆر ژی ل دەستێ وی دهێت و ئێشەکا زۆر ژی بەر دەستێ وی کەفتیە.

دیڤدا بلەز وی زێڕەڤانی بۆ نەخۆشخانەیا کراچی یا حکومی دهێتە ڤەگوهاستن، ڕاپۆرتێن نوژداری ژی ئاشکرا دکەن د نها دا ڕەوشا ساخلەمیا پیرادیتای بنەجهە.

قەمەر ئەیوب ڕێڤەبەرێ وی باخچەیێ بەحسا وێ یەکێ کر، " د ناها دا روشا ساخلەمیا وى کارمەندێ گەلەک باشە و هێڤدارن ب زوویترین دەم باش ببیت و بۆ سەر کاڕێ خۆ ڤەگەڕێت".

ئەیوب زەلالکر ژی،" زێڕەڤانێ مە یاسایێن باخچەیێ بنپێکرینە، کو ب چ ئاوایەکێ نابیت ژ قەفەسێن گیانەوەرێن مەترسی دار نێزیک ببن ب تایبەت قەفەسێن شێران.

س.ع