سەرنووچە:

ل تورکیا ڕۆژنامەڤانەکێ کوردێ باکورێ کوردستانێ هاتە دەستەسەرکرن

فۆتۆ: 
2019-12-12

246 جار خوێندراوەتەوە

ڕۆژنامەڤانەکێ کوردێ باکورێ کوردستانێ ل تورکیا هاتە دەستەسەرکرن و وەزارەتا نافخو ژى ب تیرۆریست بناڤکریە.

رۆژنامەڤان عەزیز ئۆروچ کو چەند سالبوون ل هەرێما کوردستانێ بوو ، چەند سالان بەریا نها بزاڤکرن بۆ ئەوروپایێ بچیت لێ وەلاتێ ئەرمینیا لسەر سنور دەستەسەرکریە و رادەستى ئیرانێ کر و ئیرانێ ژى رادەستى تورکیا کریە.

ئەو رۆژنامەڤان بەریا نها دوو جاران ژ ئالیێ تورکیا ڤە هاتبوو دەستەسەرکرن و دەما سالەک و نیڤان د گرتیگەهەکا تورکیا دابوو ، پشتى ئازادبوونێ دەما چەند سالان ل هەرێما کوردستانێ کارێ رۆژنامەڤانیێ دکر.

پشتى رادەستکرنێ ژى وەزارەتا نافخو یا تورکیا راگەهاندنەک بەلاڤکر و ئاماژە کر کو تیرۆرستەک دەستەسەرکرنە.

هەڤدەم پۆلیسێن باژارۆکێ بایەزیدێ یا سەر پارێزگەها ئاگریێ ڤە هەڤسەرۆکێ هەدەپێ دەستەسەرکرنە.